Read Makhuwa-Shirima 2 Timootheyo 1 Bible Online

2 Timootheyo 1 - Makhuwa-Shirima bible

2 Timootheyo 1

¹Ya Pawulo, murummwa a Kristu Yeesu mootthunani mwa Muluku mwaha wa yoororomelihiwa ya okumi eri mwa Kristu Yeesu,

²wa Timootheyo, mwanaka oosiveleya: mahala, ikharari ni murettele wa Muluku Atiithi ni Kristu Yeesu Apwiyaahu.

³Kinnamutthapela Muluku, Yoowo kinimurumeelaaka ni murima wootteela, ntoko yaamurumeenlaaya makholowaaka, kiwuupuwelelaka weyo woohihiyerera ohiyu ni othana mmavekelonimwaka.

⁴Kohuupuwelela maithoraawo, ni kinghaawela vancipale owoona weera ohakalalawaka okhale wookwanela.

⁵Kinuupuwelela nroromelonawo noohiixeera naapacenre okhala mwa amunno Loyide ni mwa amayawo Eunisi, ni vano kooviriyeliwa weeratho ninkhala mwa weyo.

⁶Tivawo kingwuupuxeraaka weera opwaherere wiiseela nlumi na yamahala ya Muluku eri mwa weyo niwoko na owiiyaathera matataaka.

⁷Vekhaikhai, Muluku khanivanghe munepa woowoova, mene munepa wa ikuru, osivela ni wa wiisuumaaliha.

⁸Tivawo, ohuuliwe muru okhalela onamoona mwaha wa Apwiya, naari niwoko na miyo kiri namatthukiwaaya, mene ovilele vamoha ni miyo ni ikuru sa Muluku soohaawa niwoko na masu ooreeraxa.

⁹Muluku Owo oonivuluxa ni ooniitthana ni wiitthana wootteela, khoohiyono niwoko na itthu hiyo naapankaahu, mene niwoko na olakelawawe ni mahalaawe mwaneenaawe. Mahala awo nivahiwe mwa Kristu Yeesu ehinaaye opacera ehuhu,

¹⁰ni nohooniheriwa vaanaano vaava ngwoonihereyani wa Mvuluxaahu Kristu Yeesu. Owo oophwata okhwa ni oowera okumi ni ohikhwa niwoko na masu ooreeraxa.

¹¹Miyo kookhalihiwa namalaleiya, murummwa, ni muhusiha a masu ooreeraxa ala.

¹²Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

¹³Opwaherere ni nroromelo ni osivela mwa Kristu Yeesu, ottharaka ekhalelo ya nihusiho nooreera, mwa nenno weyo okiiwalaawo.

¹⁴Mwaha wa yeeyo ovahereriwaawo, othokorore mwa Munepa Wootteela onkhala mwa hiyo.

¹⁵Weyo woosuwela weera ootheene a elapo ya wAsiya aakihiya, mpaka Figelo ni Hermogenetho.

¹⁶Apwiya emorele ikharari vaate wa Onesiforo, niwoko imaara sincipale owo annakilipiha murima ni khuuliwe muru niwoko na otthukiwawaka.

¹⁷Ohiyanawaya, aphiyakaru oRooma, aakaasaasa ni nthiti mpaka okiphwanya.

¹⁸Apwiya emvahe mahala weera yoowo aphwanye ikharari vamaithoni wa Apwiya nihuku nno. Weyo woosuwela nnenesene sookhaviherasawe aakipakenlaawe wEfeso.