Read Makhuwa-Shirima 1 Samuweli 12 Bible Online

1 Samuweli 12 - Makhuwa-Shirima bible

1 Samuweli 12

¹Samuweli aaheerela muloko: “Kohaakhulela sootheene mwaakivekenlaanyu koovarelakani mwene.

²Vano mookhalano mwene anoolamulaseni. Wa miyo, kohuuluvala munoonelaanyu ipwi iya. Anamwanaaka asilopwana ari va ni nyuwo. Kookhala ni nyuwo koohoolelakani okhuma enamwanaaka mpaka olelo.

³Kiri va. Mukhalele onamoona vamaithoni wa Muluku ni oottikittheliwaawe: Emombe hoye hoye buuru awani kimwiiyalaaka? Ookhala kimulokontthaaka? Ookhala kimuhoonxaaka? Wa taani kaakhelenlaaka makhwankwa weera kikuttelele nthowanawe? Kaapanke yakhalaru etthu ya seiyo, kinoohokoloxa.”

⁴Awosa yaamwaakhula: “Nyuwo khamunihooxale hata khamunihasunle naari khamwaakhelenleru makhwankwa.”

⁵Samuweli aaweerela: “Yave ni oottikittheliwaawe ari anamoonaanyu olelo weera nyuwosa khamphwannyeru nthowa mookumunimwaka.” Awosa yaamwaakhula: “Yave ti Namoona.”

⁶Vano Samuweli aaheerela muloko: “Ti Yave aamuthanlale Moisesi ni Aharoni aakhumihaka makholowaanyu wExipitu.

⁷Vano mukhalase va, niwoko kinimoosomelelani vamaithoni wa Yave, kittharihaka miteko soororomeleya sipakiwe ni Yave aweerelakani nyuwo ni makholowaanyu.

⁸Avolongweene Yakobe wExipitu, aYixrayeli yaamukhuwelela Yave ni Owo aamurumiha Moisesi ni Aharoni, weera aakhumihe makholowaanyu wExipitu ni awiikaathi nipuro nna.

⁹Vanonto, makholowaanyu yaamuttiwala Yave Mulukwaaya, tivawo Owo aawinnyerenraawe mmatatani mwa Sisera, mutokweene a anakhotto a Hazori, ni mmatatani mwa aFilisti ni mwene a oMowabe, mwa yaawo yaawananaaya.

¹⁰aYixrayeli yaamukhuwelela Yave yeeraka: ‘Noottheka, nimuhiyaka Yave nirumeelaka miluku siniitthaniwa aBahali* ni Axetoroti. Vano, munoopole mmatatani mwa amwiittanaahu ni nnimoorumeelani Nyuwo.’

¹¹Vano Yave aamurumiha Yeru-Bahali, Baraki, Yefeta ni Samuweli ni owo oowoopolani mmatatani mwa amwiittanaanyu mipatta sootheene. Hiiho mwaakhala oolipeene.

¹²Mene moonaka weera Nahaxi, mwene a awAmoni aamoorweelani woowananani, mwaakeerela: ‘Hoye, nintthuna weera mwene anilamule, Yave Mulukwaanyu orookhalaru mwene.’

¹³Vanonto, mwene munthanlalaanyu ti ola; mulopwana yoola nyuwosa mwaamvekenlaanyu. Yave ohoovahasani mwene.

¹⁴Mwatthuna weera sootheene siweetteleni nnene, ontthuneya opaka ha: Omoova Yave; omurumeela; omwiiwelela, ohiramusa malamulowaawe, omutthara Yave Mulukwaanyu — nyuwosa ni mwene.

¹⁵Vaheera mwaahimwiiwelela Yave muramusaka malamulowaawe, Owo onimoottaruxani, ntoko aapakenlaawe makholowaanyu.

¹⁶Vanonto, mwiireherere ni moone etthu yootikhiniheya eyo Yave aneeraawe apake vamaithoniwanyu!

¹⁷Ela ti ehuhu enghephiwa ya etrigu. Kinoomvekela Yave weera oorumiheleni etari ni epula. Ni nyuwosa munoosuwela yeeyo mpankaanyu yoomunanara Yave woomvekela mwene.”

¹⁸Vahoolowaya Samuweli aamvekela Yave ni nihuku nenenenne Owo aarumiha etari ni epula. Vano muloko wootheene waamoovaxa Yave ni Samuweli.

¹⁹Muloko wootheene waamweerela Samuweli: “Mumvekele Yave Mulukwaanyu mwaha wa arumeiyaanyu weera nihikhwe niwoko, ohiya soottheka sootheene sikina, noomvekela weera nikhaleno mwene.”

²⁰Samuweli aahaakhula: “Muhoove. Moopaka itthu soonanara sootheene iye. Hata hiiho, muhihiye omutthara Yave, mene munrumeele ni murimaanyu wootheene.

²¹Muhitthare miluku soohimuteko, hata sihingwera woopakelani yooreera, niwoko khasimuteko.

²²Niwoko na Nsinanawe ntokotoko, Yave kharwa oohiyaani. Owo ohoona oreera wookhalihani mulokwaawexa.

²³Wa miyo, nkiweherenre omutthekela Yave kihiyaka woovekelelasani! Kinimooxuttihasanitho ephiro yooreera ni ya ekhaikhai.

²⁴Mmoove paahi Yave, munrumeeleke oororomeleyeene ni murima wootheene ni muupuwelele itthu sootikhiniheya Owo oopakenlaaweni.

²⁵Vaheera, mwapwaherera opaka yoonanara, nyuwosa vamoha ni mwenaanyu munoophwatiwa.”