Read Ibibiliya mu Shimakonde Imbodi Yaambi na dimbande dya Imbodi Yakala Valoma 16 Bible Online

Valoma 16 - Ibibiliya mu Shimakonde Imbodi Yaambi na dimbande dya Imbodi Yakala bible

Valoma 16

¹Ninkuntumbyangidya kwenu mwenu numbumunu Pebe ntumika waliganisha lya ku Kenkeleya

²pakulota mumpwashalele nkati mumwe UMU kenga muvaikidíle kwavakwilimyanga, namomo mpwashele muvyoevyoe vyalota kulota kwenu mwaa nae ankuvapwashalela vanu voe na ata nangu momo.

³Mupe nandele Pilishila pamo namu Akila vamadengomwangu nkati mumwe Klistu Yesu.

⁴Vanavo vandilimyanga shingumi shave kwamwaa washingumi shangu; avyo navalambwalela shinu nangu gweka kanji na liganisha uti lyavamidi momo.

⁵Nandele lipate momo liganisha likadyánia paing'ande yave. Mupe nandele Epenetu wakunagwaleka wangu shepo shitandi kumwe Klistu ku Ashiya.

⁶Mupe nandele Maliya ákadile namene madengo kwamwaa wenu.

⁷Mupe nandele Andoloniku pamo namu Yuniya vakwetu na vavangu nkati mukungwa, vanu vamanyíke namene pakati pavamyombe na vanavo vatandi kupagwa nkati mumwe Klistu nangu nikanava.

⁸Mupe nandele Ampiliyatu wakunagwaleka wangu nkati mumwe UMU.

⁹Mupe nandele Ulubanu mmádengomwetu nkati mumwe Klistu, namomo wakunagwaleka wangu Eshitakiyashi.

¹⁰Mupe nandele Apeleshi munu ákubaligwidye nkati mumwe Klistu. Vape nandele valikola limwe Alishitobulu.

¹¹Mupe nandele nkwetu Elodiyau. Vape nandele valikola limwe Nalishishu vavéle nkati mumwe UMU.

¹²Mupe nandele Tilipena namu Tiliposha vakongwe vankaléla UMU madengo. Mupe nandele wakunagwaleka Pelishide ákadile namene madengo nkati mumwe Klistu.

¹³Mupe nandele Lupu nkútandalegwa nkati mumwe UMU pamo na anyoke àvele yadavo jujumunu wangu.

¹⁴Mupe nandele Ashinkilitu, Pilegonte, Elimeshi, Patolobashi, Elimashi pamo namu vanung'unumunu vavéle pamo namu vanavo.

¹⁵Mupe nandele Pilologu namu Yuliya, Neleu pamo na nkulugwe, Olipashi pamo na uti vakwilimyanga vapagwíte namu vanavo.

¹⁶Udyanianga kwashimanyikilo shalinagwaledyo. Maganisha uti amwe Klistu ankumuudyanga.

¹⁷Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

¹⁸Mwaa vanu kenga ava havanantumika shinu Klistu UMU wetu kanji vatumika vitumbo vyave. Kwamalove ave akuutila na lutumbyango, vankuduwanga mitima vyavanu vákajavanianga.

¹⁹Doni, ing'ano yakwigwilila kwenu indiwika kwavanu uti, nadoni nangu ninkupuwanga kwamwaa wenu kanji napane shangulota nangu mwenu muve mmalimanyilo kwa ashilá shambone na muve múkave makosha kwa ashilá shakunyata.

²⁰Nnungu waamani anankandinneu Shatwani ambi apa mmadodo mwenu. Umonyo umwe UMU wetu Yesu upagwe namu mwenu.

²¹Timoti mmádengomwangu ankuntumidya nandele, namomo Lushiu, Yashoni namu Shoshipatulu valikola lyangu.

²²Nangu Telishiu ngwándike ibalugwa ai ninkuntumidya nandele nkati mumwe UMU.

²³Gayu mwene ing'ande yangupagwa na palikadyanianga liganisha, ankuntumidya nandele, namomo Elashitu nkondya-njuluku wapanjini au pamo namu nung'unumunu Kwatulu.

²⁵Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

²⁶kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

²⁷kwake Nnungu jumo walimanyilo apate lishangelo ngwengwe kwaindila imwe Yesu Klistu. Ame.