Read Ibibiliya mu Shimakonde Imbodi Yaambi na dimbande dya Imbodi Yakala I Vakolintu 6 Bible Online

I Vakolintu 6 - Ibibiliya mu Shimakonde Imbodi Yaambi na dimbande dya Imbodi Yakala bible

I Vakolintu 6

¹Munu pakati penu paavanavo nnando na nung'unumunu junji, alota kulyunga dashi ntima kuka ndaukumigwa pamevo pavaungave-ishaliya kuvaleka vakwilimyanga?

²Da mwenu hamunamanya shinu kenga vakwilimyanga vandaukumu shilambo? Napane pakuva mwenu mundaukumu shilambo, da hamuvenavo lyululilo lyakwangangola milando vyangolo?

³Da mwenu hamunamanya shinu kenga tundavaukumu vanjelo? Kushi vinu vyamushinamidyo ashi?

⁴Napavedoni, ikava kenga mwenu munkuvanavo milando vyashinamidyo ashi mwaa shani muukenavo kwa avalá vákave lidi muliganisha?

⁵Ninkwamba vinu avi pakulota nintae dyoni. Da hapali munu walimanyilo pakati penu wakuulula kwangangola myaa pakati pavanung'unuvake?

⁶Kanji nung'unumunu ankuntwala dashi nung'unumunu junji kumuukanavo kulibengi kutwala kuukumigwa na vákakulupila?

⁷Po pakupagwa kukashalyania pakati penu, inkulilodya ngala kenga munditamegwa. Da mwaa shani hamunakubali kwanalegwa? Mwaa shani hamunakubali kupakanyalegwa?

⁸Kanji leka apo mwemwe mmene munkwanela na kupakanyola na ata mpaka munkuvatandela vanung'unuvenu.

⁹Kwali, da mwenu hamunamanya shinu kenga avalá vaungave-ishaliya havapata maleko autawala wa Nnungu? Hamunaduwangike, ata vaténda vyawendi, ata valipúdya kwavakushang'apa, ata vakulavalava, ata valume valalígwa na valumemwave, ata valume vavalála valumemwave,

¹⁰ata vakwiva, ata vashojo, ata vakwambalwa, ata vakung'wenya na ata vakukwinyanga, havapata maleko autawala wa Nnungu.

¹¹Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe UMU Yesu Klistu na mu Imumu umwe Nnungu wetu.

¹²“Vinu uti ndilamuliligwa,” kanji i uti vingupwashéla. “Vinu uti ndilamuliligwa,” kanji hanguleka ngutawaligwa na shinu shoeshoe.

¹³“Vyakulya kwashitumbo, shitumbo kwavyakulya,” napane vyovyo vyo, Nnungu andamalidya kwaunapamo. Mili haupagwite kwamwaa wakulavalava kanji kwamwaa umwe UMU na UMU kwamwaa wamili.

¹⁴Napane Nnungu anindyuwa UMU kwadimongo dyake nawetu momo andatudyuwa kwadimongo dyake.

¹⁵Da mwenu hamunamanya shinu kenga mili vyenu ni dimbande dimwe Klistu? Da nangu ninkuulula kutwala dimbande dimwe Klistu kuukanavo ndaunganianga namu dimwe lilaja? Ata padyoko vela!

¹⁶Kwali, da mwenu hamunamanya shinu kenga aijá áungana namu lilaja ankuva mili umo namu nae? Mwaa inkushidoni, “Vavili vandava mili umo.”[12]

¹⁷Kanji aijá áungana namu UMU ankuva imumu imo namu nae.

¹⁸Tukuta vitendo vyakulauka. Madambi anji uti átega munu, ankutega panda mili wake kanji aijá átenda vyakulauka ankutega mo mumili wake jo mwene.

¹⁹Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

²⁰mwaa mundishumigwa kwaibei. Napavedoni mupe lishangelo Nnungu mumili vyenu.