Read Ibibiliya mu Shimakonde Imbodi Yaambi na dimbande dya Imbodi Yakala II Vakolintu 10 Bible Online

II Vakolintu 10 - Ibibiliya mu Shimakonde Imbodi Yaambi na dimbande dya Imbodi Yakala bible

II Vakolintu 10

¹Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

²Ninkujugwangila doni, pangupagwa po, haivaikidile kwangu nangu kuvanavo ntima wakulishiya kwadimongo dyangwona kenga ndalyalaveka ngutumila kwa avalá vatwóna wetu kwodananavo shimunu.

³Mwaa ata tukanama shimunu, hatunatenda shinu ing'ondo kwodananavo shimunu.

⁴Mwenu, dyuti dyatutandela ing'ondo yetu hadinava shinu dyashimunu kanji dyanavo, dinkuvanavo dimongo dimwe Nnungu dyakubamalangila mangongo.

⁵Tunkubamalanga makumbukililo na kulyona uti kulyumilídya apinga limanyilo lyake Nnungu na tunkuteka makumbukililo uti pakulota amwigwilile Klistu

⁶tuva tayali kuukumu ungaigwilila uti, po pailota kuwikila popo kwigwilila kwenu.

⁷Mwenu mulola vinu kwapanda tu. Ikava kenga munu ankulikulupila jo mwene kuva umwe Klistu akumbukile kavili jo mwene shinu ashi: kenga mo mwavalalele nae umwe Klistu, nawetu momo tuvamwe Klistu.

⁸Mwaa ata ikava kenga nangu ninkumamodya kulyumya shumbi kwamwaa wamadalaka etu alalá aumidye UMU pakulota kundenga i kumbamola, hangutaigwa dyoni.

⁹Hangunalota shinu ngwaneke kenga nanjujuwanga kwadibalugwa dyangu.

¹⁰Mwaa vanji vankushidoni, “Dibalugwa dyake dinajowa na dyadimongo kanji mavalelo ake amili akudabadabanga na shitangodi shake shakulidyuka.”

¹¹Munu kenga aju amanye doni, ashilá shatutangola mudibalugwa tukanapagwa, ni shosho shatuvele muvitendo tukapagwa.

¹²Hatunalyalaveka shinu kulivikanga kwali kulilinganianga namu avalá valitumbúdya vo vene. Pavalipima shivanavene na pavalilinganianga shivanavene, havave ding'ano.

¹³Wetu napane hatulyumya shumbi kupunda shipimo kanji kulyumya kwetu shumbi kundavanavo mpaka kulingananavo shipimo shatukamudidye Nnungu, sho shimwikidíle ata mpaka mwenu.

¹⁴Mwaa hatunapunda shinu shipimo shetu kenga tuvanu túkawikile kwenu; wetu tuvelé tuvatandi kuwika ata mpaka kwenu twidanavo ntenga wambone umwe Klistu.

¹⁵Hatunalyumya shinu shumbi kupunda shipimo kwashimadengo shavanu vanji. Tunkulindila napane palikulumuka likulupililo lyenu, shimadengo shetu pakati penu shikulumwike namene kwodananavo shipimo shetu

¹⁶pakulota tuvalangange ntenga wambone mudisemu dimpúnda mwenu i kwakulyumidya shumbi kwashimadengo shitandéke mwisemu yamunu junji.

¹⁷“Aijá ályumya shumbi, alyumye shumbi nkati mumwe UMU.”[16]

¹⁸Mwaa hanakubalika munu álitumbudya jo mwene kanji akubalika aijá wantumbudya UMU.