Read Ibibiliya mu Shimakonde Imbodi Yaambi na dimbande dya Imbodi Yakala II Timoti 2 Bible Online

II Timoti 2 - Ibibiliya mu Shimakonde Imbodi Yaambi na dimbande dya Imbodi Yakala bible

II Timoti 2

¹Napavedoni wako mwanangu nanopa muumonyo upagwíte nkati mumwe Klistu Yesu.

²Avilá vyawigwite kwangu nangu pamevo pavashuda voe, vakamudye vanu vakukulupilika valóta kuulula kuvapundisha vanu vanji momo.

³Liinjidyange mumauvilo kenga mwíng'ondo wambone umwe Klistu Yesu.

⁴Hapali átumika kenga mwíng'ondo áliinjidyanga mushinamidyo shavenentete mwaa shabaa yake ni kulota innagwele aijá ánshamile.

⁵Namomo aijá átenda mashindano akutukuta hapata lidaka akanatandedya mashindano aodedya mulatéka.

⁶Nkúlima ákola madengo akupwateka inimmaikila ave ntandi mukupagwa mmapuno.

⁷Kumbukila vyandikwaulila avi mwaa UMU andakupa limanyilo muuti.

⁸Nkumbukile Yesu Klistu ádyukile pakati pavakupela, ndukulugwe Daudi kwodananavo ntenga wambone wangu

⁹aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

¹⁰Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

¹¹Shitangodi ashi ni shakukulupilika: Ikava kenga tundipela namu nae, namu nae momo tundanama,

¹²ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

¹³ikava kenga hatukulupilika, nae jo andauka mushu akulupilika mwaa haulula kulita jo mwene.

¹⁴Vakumbuwange vanu vinu avi umya ushuda pamevo pake Nnungu pakulota havanataukanange kwamalove mwaa haipali paida ila vabamalegwa avalá vaigwilíla.

¹⁵Likanyilidye ulilodye shana pamevo pake Nnungu kenga mmádengo ákubaligwe akang'ana shalowa lilove lyaumwiu.

¹⁶Linyemye napane mushitangodi shíkave ishima na shíkave mana mwaa shosho sho, shinkuvatadya vanu vamamodye ungave Nnungu.

¹⁷Malove ainamuna ai, anaandavala kenga shilamba-lwajo; pakati pave apagwité Imeneu namu Piletu.

¹⁸Vanavo vandyashalanga muumwiu vaashidoni, kudyuka pakati pavakupela kunditandeka tayali nadoni vovo vo, vankutindinganianga likulupililo lyavanji.

¹⁹Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “UMU ankuvamanya avalá vake,”[3] na, “Woewoe átambulanga lina limwe UMU aapukanangenavo ungave-shaliya uti.”

²⁰Mwenu! Mwing'ande ing'umene hamunapagwa gweka vyombo vyashaabu kwali vyankuva kanji namomo vindápagwa vyombo vyadimbau na vyaulongo; vinji kuva vyakwishimika, vinji vyo kuva víkave ishima.

²¹Napanelo ikava kenga munu andaushanianga avilá víkave ishima andava shombo shakwishimika, shitandégwe kwilimyanga, shivénavo mana kwa Nang'olo shavapanganienge kwashimadengo uti shambone.

²²Tukuta ditamaa uti dyashinemba, vingilidya ishaliya, likulupililo, linagwaledyo na amani pamo na avalá vantambulánga UMU na ntima úkave ushapu.

²³Napane ita mitau víkave mana na vyaujinga umanya doni, vyanavo vimalilikila muugombi.

²⁴Ntumika umwe UMU hanave wamagombi kanji ave mpole kwavanu uti, wakuulula kupundisha, wakulipililila,

²⁵avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

²⁶na ding'ano dyave divaujile kavili vapalanyoka mudinambo dimwe Ndamoni dyavataile pakulota vatende malotelo ake nae.