Read Ibibiliya mu Shimakonde Imbodi Yaambi na dimbande dya Imbodi Yakala Maono 6 Bible Online

Maono 6 - Ibibiliya mu Shimakonde Imbodi Yaambi na dimbande dya Imbodi Yakala bible

Maono 6

¹Napanelo ndímwona Ngandolo ánamatula ishelu itandi pakati pa adilá saba. Kutwala kumwigwa jumo pakati pa avilá viumbi nsheshe átangola lidi lyakuva kenga ing'uva aashidoni, “Ida!”

²Mwe! Ndikalole mushu mwangu kumwona punda wanashwe. Ánkwadile punda ajo, andínyukata upindi na vandimupa lidaka. Nae andyúma kenga nkútema na andyúka mushu atema.

³Ngandolo panamatwile ishelu yambili, ndímwigwa shiumbi wambili aashidoni, “Ida!”

⁴Bai andyúma punda junji wanauvi. Ánkwadile punda ajo, andípata madalaka akusha amani mushilambo kwambangidya vanu vabyaanange shivenevene, namomo vandímupa lyambila likumene.

⁵Ngandolo panamatwile ishelu yantatu ndímwigwa shiumbi wantatu aashidoni, “Ida!” Ndikalole kutwa kumwona punda wakudimba, ánkwadile punda ajo, andínyukata mmakono mwake ikapani.

⁶Ndigwa mwalidi lyakwalakela pakati pa avilá viumbi nsheshe liishidoni, “Ipishi imo yangano kwadinali imo, dipishi nnatu dyashavada kwadinali imo[13] kanji haunaanangange mauta na vinyu.”

⁷Napanelo Ngandolo panamatwile ishelu yansheshe, ndígwa lidi lyashiumbi shansheshe liishidoni, “Ida!”

⁸Ndikalole ndímwona punda wailangi yaliu. Ánkwadile punda ajo, vashinshema Kupela, Kumoka kushindamwoda pepi-pepi. Vovo vo, vandivapa madalaka akuvabyaa vanu na lyambila, indala, vilwele na vanyama vakukalipa mwimbandi yansheshe yashilambo.

⁹Napane Ngandolo panamatwile ishelu yamwanu, mwina mwake alutali ndyóna ungumi wavanu vabyaígwe kwamwaa walilove lya Nnungu na kwamwaa wakumya ushuda.

¹⁰Vovo vo, vashindatangadikanga pashanya po vaashidoni, “Da mpaka duvani wako UMU Wakwilimyanga na Waumwiu undatimatimanga kuvaukumu na undavalipisha vanu vanáma mushilambo kwamwaa wamyadi vyetu wetu?”

¹¹Bai vandívapa kula munu ikanju yanashwe na kuvaulila valindile kavili padyoko mpaka itimile ishabu yavatumikamwagwe na yavanung'unumunu valóta kubyaigwa kenga momo mwavabyaigwididye vanavo.

¹²Napanelo ndílola kumwona Ngandolo pashinamatula ishelu yasita kutwala kuumilila shindangenda. Liduva lindídimba kenga inguvo yakaniki na mwedi uti kukunduvala kenga myadi;

¹³dinondo dyakuwa dindígwangila pai kenga mwembe mwanapakatikangila membe mambii ikapunga imepo ing'umene;

¹⁴kuwa kundíjavanikananga kutwala kulipindanga kenga mwalinalipindangila likande likalumukananga pakati, kula lishinga pamo na vitingi vandínyemya mumautu ave.

¹⁵Napane vaumu vamushilambo, vanu vakwishimika, vananangalaledi vavaing'ondo, vatajili, vadimongo, vatumwa uti pamo na vavéle muunaiti, vandílipiyanga mmitupa na mudimbanda dyamashinga,

¹⁶vatangalela mashinga na majanga kushidoni, “Tubulikidya utupiye kwambangidya hatunone ing'ope imwe aijá áikele pashiteng'u namomo utupiye mushitundi shake Ngandolo.

¹⁷Mwaa lindiwika liduva likumene lyashitundi shave, nyani álota kuulula kunanopa?”