Read Malagasy Genesisy 10 Bible Online

Genesisy 10 - Malagasy bible

Genesisy 10

¹Ary izao no taranaky ny zanakalahin'i Noa, dia Sema sy Hama ary Jafeta: Samy niteraka zazalahy avy izy taorian'ny safo-drano.

²Ny zanakalahin'i Jafeta dia Gomera sy Magoga sy Maday sy Javana sy Tobala sy Maseka ary Tirasa.

³Ary ny zanakalahin'i Gomera dia Askenaza sy Rifata ary Togarma.

⁴Ary ny zanakalahin'i Javana dia Elisaha sy Tarsisy sy ny Kitima sy ny Dodanita.

⁵Avy tamin'ireo no niavakavahan'ny nosin'ny firenena tany amin'ny taniny, dia samy araka ny fiteniny avy, araka ny mpianakaviny avy, tamin'ny fireneny avy.

⁶Ary ny zanakalahin'i Hama dia Kosy sy Mizraima sy Pota ary Kanana.

⁷Ary ny zanakalahin'i Kosy dia Seba sy Havila sy Sabta sy Ragama ary Sabteka; ary ny zanakalahin'i Ragama dia Seba sy Dedana.

⁸Ary Kosy niteraka an'i Nimroda; izy no voalohany izay tonga olona mahery tambonin'ny tany.

⁹Izy dia mpihaza mahery teo anatrehan'i Jehovah, ka izany no nanaovan'ny olona hoe: Tahaka an'i Nimroda, mpihaza mahery eo anatrehan'i Jehovah.

¹⁰Ary ny niandohan'ny fanjakany dia Babela sy Ereka sy Akada ary Kalne tany amin'ny tany Sinara.

¹¹Ary nivoaka avy tamin'izany tany izany izy ka nankany Asyria, dia nanorina an'i Ninive mbamin'i Rehobot-ira sy Kala

¹²ary Resena teo anelanelan'i Ninive sy Kala, dia ilay tanàna lehibe izany.

¹³Ary Mizraima niteraka ny Lodita sy ny Anamita sy ny Lehabita sy ny Naftohita

¹⁴sy ny Patrosita sy ny Kaslohita izay nihavian'ny Filistina ary ny Kaftorita.

¹⁵Ary Kanana niteraka an'i Sidona lahimatoany sy Heta,

¹⁶ary ny Jebosita , sy ny Amorita sy ny Girgasita

¹⁷sy ny Hivita sy ny Arkita sy ny Sinita

¹⁸sy ny Arvadita sy ny Zemarita ary ny Hamatita; ary nony taoriana dia niely ny firenen'ny Kananita.

¹⁹Ary ny fari-tanin'ny Kananita dia hatrany Sidona ka hatrany Gaza ao akaikin'i Gerara, ka hatrany Lesa ao akaikin'i Sodoma sy Gomora sy Adma ary Zeboima.

²⁰Ireo no zanak'i Hama, araka ny mpianakaviny, araka ny fiteniny, amin'ny taniny, amin'ny fireneny.

²¹Dia niteraka koa Sema, rain'ny zanak'i Ebera rehetra rahalahin'i Jafeta, izay zokiny.

²²Ny zanakalahin'i Sema dia Elama sy Asyra sy Arpaksada sy Loda ary Arama.

²³Ary ny zanakalahin'i Arama dia Oza sy Hola sy Gatera ary Masy.

²⁴Ary Arpaksada niteraka an'i Sela; ary Sela niteraka an'i Ebera.

²⁵Ary Ebera niteraka roa lahy: ny anaran'ny iray natao hoe Palega, satria tamin'ny androny no nizarana ny tany; ary Joktana no anaran'ny rahalahiny.

²⁶Ary Joktana niteraka an'i Almodada sy Salefa sy Hazarmaveta sy Jera

²⁷sy Hadorama sy Ozala sy Dikla

²⁸sy Obala sy Abimaela sy Sheba

²⁹sy Ofira sy Havila ary Jobaba; ireo rehetra ireo no zanakalahin'i Joktana.

³⁰Ary ny fonenan'ireo dia hatrany Mesa ao akaikin'i Sefara, tendrombohitra atsinanana.

³¹Ireo no zanak'i Sema, araka ny mpianakaviny, araka ny fiteniny, amin'ny taniny, araka ny fireneny.

³²Ireo no mpianakavin'ny zanak'i Noa, araka ny taranany, amin'ny fireneny; ary avy tamin'ireo no niavakavahan'ny firenena tambonin'ny tany taorian'ny safo-drano.