Read Malagasy 1 Mpanjaka 4 Bible Online

1 Mpanjaka 4 - Malagasy bible

1 Mpanjaka 4

¹Ary nanjaka tamin'ny Isiraely rehetra Solomona mpanjaka.

²Ary izao no lehibe tao aminy: Azaria, zanak'i Zadoka, no mpisorona;

³Elihorefa sy Ahia, zanak'i Sisa, no mpanoratra; Josafata. zanak'i Ahiloda, no mpitadidy ny raharaha-mpanjakana;

⁴ary Benaia, zanak'i Joiada, no komandin'ny miaramila; ary Zadoka sy Abiatara no mpisorona;

⁵ary Azaria, zanak'i Natana, no lehiben'ny olona voatendry; ary Zaboda, zanak'i Natana, no mpanolotsaina, sakaizan'ny mpanjaka,

⁶ary Ahisara no lehiben'ny tao an-dapa; ary Adonirama, zanak'i Abda, no komandin'ny mpanao fanompoana.

⁷Ary Solomona nanendry roa ambin'ny folo lahy ho amin'ny Isiraely rehetra hiadidy ny zavatra rehetra nilain'ny mpanjaka sy ny ankohonany; samy niadidy ny iray volana avy amin'ny herintaona izy.

⁸Ary izao no anarany: Beni-hora tany amin'ny tany havoan'i Efraima;

⁹Beni-dakera tao Makaza sy tao Salbima sy Beti-semesy ary Elon-beti-hanana;

¹⁰Beni-haseda tao Arobota; Soko sy ny tany Hefera rehetra no azy;

¹¹Ben'abinadaba tao amin'ny havoan'i Dora rehetra (Tafata, zanakavavin'i Solomona, no vadiny);

¹²Bana, zanak'i Ahiloda; azy Tanaka sy Megido ary Beti-sana rehetra, izay anilan'i Zaretana, ambanin'i Jezirela, hatrany Beti-sana ka hatrany Abela-mehola, dia hatrany ankoatr'i Jokneama no azy.

¹³Beni-gabera tao Ramota-gileada; ny tanàna madinika an'i Jaïra, zanak'i Manase, izay any Gileada, no azy; azy koa ny tany Argoba, izay any Basana, dia tanana enim-polo lehibe nisy manda sy hidy varahina;

¹⁴Ahinadaba, zanak'Ido, tany Mahanaima;

¹⁵Ahimaza tany Naftaly; izy kosa nanambady an'i Basemata, zanakavavin'i Solomona;

¹⁶Bana, zanak'i Hosay, tany Asera sy Alota;

¹⁷Josafata, zanak'i Paroa, tany Isakara;

¹⁸Simey, zanak'i Ela, tany Benjamina;

¹⁹Gabera, zanak'i Ory, tany amin'ny tany Gileada, tanin'i Sihona, mpanjakan'ny Amorita, sy Oga, mpanjakan'i Basana; ary izy ihany no voatendry ho amin'izany tany izany.

²⁰Ary ny Joda sy ny Isiraely dia maro, tahaka ny fasika amoron-dranomasina ny hamarony, sady mihinana sy misotro ary mifaly.