Read Malagasy Ezra 2 Bible Online

Ezra 2 - Malagasy bible

Ezra 2

¹Ary izao no olona amin'izany tany izany izay niakatra avy amin'ny fahababoana, izay nobaboin'i Nebokadnezara, mpanjakan'i Babylona, ka nentiny ho any Babylona, ary niverina ho any Jerosalema sy Joda, samy ho any an-tanànany avy,

²dia ny olona izay niaraka tamin'i Zerobabela sy Jesoa sy Nehemia sy Seraia sy Relaia sy Mordekay sy Bilsana sy Mispara sy Bigvay sy Rehoma ary Bana. Ary ny isan'ny lehilahy tamin'ny Isiraely dia izao:

³Ny taranak'i Parosy dia roa amby fito-polo amby zato sy roa arivo;

⁴ny taranak'i Sefatia dia roa amby fito-polo amby telon-jato;

⁵ny taranak'i Ara dia dimy amby fito-polo amby fiton-jato;

⁶ny taranak'i Pahatamoaba, avy tamin'ny zanak'i Jesoa sy Joaba, dia roa ambin'ny folo amby valon-jato sy roa arivo;

⁷ny taranak'i Eliama dia efatra amby dimam-polo amby roan-jato sy arivo;

⁸ny taranak'i Zato dia dimy amby efa-polo amby sivin-jato;

⁹ny taranak'i Zakay dia enim-polo amby fiton-jato;

¹⁰ny taranak'i Bany dia roa amby efa-polo amby enin-jato;

¹¹ny taranak'i Bebay dia telo amby roa-polo amby enin-jato;

¹²ny taranak'i Azgada dia roa amby roa-polo amby roan-jato sy arivo;

¹³ny taranak'i Adonikama dia enina amby enim-polo amby enin-jato;

¹⁴ny taranak'i Bigvay dia enina amby dimam-polo sy roa arivo;

¹⁵ny taranak'i Adina dia efatra amby dimam-polo amby efa-jato;

¹⁶ny taranak'i Atera, avy tamin'i Hezekia, dia valo amby sivi-folo;

¹⁷ny taranak'i Bezay dia telo amby roa-polo amby telon-jato;

¹⁸ny taranak'i Jora dia roa ambin'ny folo amby zato;

¹⁹ny taranak'i Hasoma dia telo amby roa-polo amby roan-jato;

²⁰ny zanak'i Gibara dia dimy amby sivi-folo;

²¹ny zanak'i Betlehema dia telo amby roa-polo amby zato;

²²ny mponina tany Netofa dia enina amby dimam-polo;

²³ny mponina tany Anatota dia valo amby roa-polo amby zato;

²⁴ny zanak'i Azmaveta dia roa amby efa-polo;

²⁵ny zanak'i Kiriat-arima sy Kefira ary Berota dia telo amby efa-polo amby fiton-jato;

²⁶ny zanak'i Rama sy Gaba dia iraika amby roa-polo amby enin-jato;

²⁷ny mponina tany Mikmasy dia roa amby roa-polo amby zato;

²⁸ny mponina tany Betela sy Ay dia telo amby roa-polo amby roan-jato;

²⁹ny zanak'i Nebo dia roa amby dimam-polo;

³⁰ny taranak i Magbisy dia enina amby dimam-polo amby zato;

³¹ny zanak'ilay Elama anankiray dia efatra amby dimam-polo amby roan-jato sy arivo;

³²ny taranak'i Harima dia roa-polo amby telon-jato;

³³ny zanak'i Loda sy Hadida ary Ono dia dimy amby roa-polo amby fiton-jato;

³⁴ny zanak'i Jeriko dia dimy amby efa-polo amby telon-jato;

³⁵ny zanak'i Sena dia telo-polo amby enin-jato sy telo arivo.

³⁶Ary ny mpisorona koa dia izao: Ny taranak'i Jedaia, avy tamin'ny mpianakavin'i Jesoa, dia telo amby fito-polo amby sivin-jato;

³⁷ny taranak'Imera dia roa amby dimam-polo sy arivo;

³⁸ny taranak'i Pasora dia fito amby efa-polo amby roan-jato sy arivo;

³⁹ny taranak'i Harima dia fito ambin'ny folo sy arivo.

⁴⁰Ary ny Levita koa dia izao: Ny taranak'i Jesoa sy Kadmiela, avy tamin'ny taranak'i Hodavia, dia efatra amby fito-polo.

⁴¹Ary ny mpihira koa dia izao; Ny taranak'i Asafa dia valo amby roa-polo amby zato.

⁴²Ary ny taranaky ny mpiandry varavarana koa dia izao: Ny taranak'i Saloma, ny taranak'i Atera, ny taranak'i Talmona, ny taranak'i Akoba, ny taranak'i Hatita, ny taranak'i Sobay, dia sivy amby telo-polo amby zato izy rehetra.

⁴³Ary ny Netinima koa dia izao: Ny taranak'i Ziha, ny taranak'i Hasofa, ny taranak'i Tabaota,

⁴⁴ny taranak'i Kerosa, ny taranak'i Siaha, ny taranak'i Padona,

⁴⁵ny taranak'i Lebana, ny taranak'i Hagabaha, ny taranak'i Akoba,

⁴⁶ny taranak'i Hagaba, ny taranak'i Salmay, ny taranak'i Hanana,

⁴⁷ny taranak'i Gidela, ny taranak'i Gahara, ny taranak'i Reaia,

⁴⁸ny taranak'i Rezina, ny taranak'i Nekoda, ny taranak'i Gazama,

⁴⁹ny taranak'i Oza, ny taranak'i Pasea, ny taranak'i Besay,

⁵⁰ny taranak'i Asna, ny taranaky ny Meonita, ny taranaky ny Nefisita,

⁵¹ny taranak'i Bakboka, ny taranak'i Hakofa, ny taranak'i Harora,

⁵²ny taranak'i Bazlota, ny taranak'i Mehida, ny taranak'i Harsa,

⁵³ny taranak'i Barkosa, ny taranak'i Sisera, ny taranak'i Tema,

⁵⁴ny taranak'i Nezia, ny taranak'i Hatifa.

⁵⁵Ary ny taranaky ny mpanompon'i Solomona koa dia izao: Ny taranak'i Sotahy, ny taranak'i Sofereta, ny taranak'i Peroda,

⁵⁶ny taranak'i Jala, ny taranak'i Darkona, ny taranak'i Gidela,

⁵⁷ny taranak'i Sefatia, ny taranak'i Hatila, ny taranak'i Pokereta-hazebaima, ny taranak'i Amy.

⁵⁸Ny Netinima rehetra sy ny taranaky ny mpanompon'i Solomona dia roa amby sivi-folo amby telon-jato.

⁵⁹Ary izao no niakatra avy tany Tela-mela sy Tela-harsa sy Keroba sy Adana ary Imera (fa tsy nahalaza ny fianakaviany sy ny firazanany izy, na avy tamin'ny Isiraely, na tsia):

⁶⁰ny taranak'i Delaia, ny taranak'i Tobia, ny taranak'i Nekoda, dia roa amby dimam-polo amby enin-jato.

⁶¹Ary ny avy tamin'ny taranaky ny mpisorona dia izao: Ny taranak'i Habaia, ny taranak'i Hakoza, ny taranak'i Barzilay; nampaka-bady avy tamin'ny zanakavavin'i Barzilay Gileadita io, ka dia notononina araka ny anarany.

⁶²Ireo no nitady ny soratra filazana ny razany, fa tsy hita izany; dia natao ho tsy madio izy ka nesorina tamin'ny fisoronana.

⁶³Ary ny governora nilaza taminy fa tsy mahazo mihinana ny zavatra masina indrindra izy mandra-pitsangan'izay mpisorona anankiray mitondra ny Orima sy Tomima.

⁶⁴Ny tontalin'ny olona rehetra dia enim-polo amby telon-jato amby roa arivo sy efatra alina,

⁶⁵afa-tsy ny ankizilahiny sy ny ankizivaviny fito amby telo-polo amby telon-jato sy fito arivo; ary nisy mpihiralahy sy mpihiravavy roan-jato teo aminy;

⁶⁶ny soavaliny dia enina amby telo-polo amby fiton-jato; ny ampondrany dia dimy amby efa-polo amby roan-jato;

⁶⁷ny ramevany dia dimy amby telo -polo amby efa-jato; ny borikiny dia roa-polo amby fiton-jato sy enina arivo.

⁶⁸Ary ny sasany tamin'ny lohan'ny fianakaviana, rehefa tonga tao an-tranon'i Jehovah tany Jerosalema, dia nanatitra tamin'ny sitrapo hananganana ny tranon'Andriamanitra eo amin'ilay efa niorenany.

⁶⁹Nanome araka izay nananany avy izy hanampy ny vola voavory hanaovana ny asa, dia darika volamena arivo sy enina alina ary mane volafotsy dimy arivo ary akanjo-mpisorona zato.

⁷⁰Ary samy tafapetraka teny an-tanànany avy ny mpisorona sy ny Levita sy ny sasany tamin'ny vahoaka sy ny mpihira sy ny mpiandry varavarana ary ny Netinima, dia ny Isiraely rehetra samy tao an-tanànany avy.