Read Malagasy Joba 17 Bible Online

Joba 17 - Malagasy bible

Joba 17

¹Efa ho ritra ny aiko; Efa milopilopy ny androko; Efa miandry ahy ny fasana.

²Eny, fanesoana tokoa no manodidina ahy, ary tsy maintsy mijery ny filany ady amiko aho.

³Masina Hianao, aoka ny tenanao ihany no hiantoka ahy aminao; Fa iza moa no hety hiantoka ahy?

⁴Fa ny fon'ireto dia voahidinao tsy hidiran'ny fahalalana; koa izany no tsy hanandratanao azy.

⁵Izay manolotra ny sakaizany ho babo, dia ho pahina kosa ny mason'ny zanany.

⁶Ary efa nanao ahy ho ambentinteny amin'ny firenena Izy, ka rorany mandrakariva ny tavako.

⁷Efa pahina ny masoko noho ny alahelo; Ary efa toy ny aloka ny momba ny tenako rehetra.

⁸Ankona noho izany ny olona mahitsy, ary ny tsy manan-tsiny mihendratra mahita ny mpihatsaravela-tsihy.40

⁹Fa ny marina mifikitra tsara amin'ny halehany, ary izay madio tanana no hitombo hery.

¹⁰Avia avokoa indray ary ianareo rehetra tsy mahita izay olon-kendry eo aminareo aho.

¹¹Mihelina ny androko, voaongotra ny fikasako. Dia izay hevitra fikirin'ny foko indrindra;

¹²Ny alina ataon'ireny ho antoandro, ary ny mazava ho efa akaiky, nefa tamy ihany ny maizina.

¹³Raha mbola misy antenaiko, dia ny fiainan-tsi-hita fonenako ihany; Ao amin'ny maizina no hamelarako ny fandriako.

¹⁴Ny fasana no nantsoiko hoe: Raiko ianao; Ary ny kankana: Reniko sy anabaviko ianao.

¹⁵Fa aiza ary ny fanantenako? Ary iza no mahita azy?

¹⁶Midina any amin'ny vavahadin'ny fiainan-tsi-hita izany, raha mba hahita fitsaharana ao amin'ny vovoka aho.