Read Malagasy Joba 26 Bible Online

Joba 26 - Malagasy bible

Joba 26

¹Dia namaly Joba ka nanao hoe:

²Endrey! nanohana ny tsy manan-kery ianao sy nampahatanjaka ny sandry malemy!

³Ary nanolo-tsaina ny tsy hendry sy nampahafantatra izay fahendrena betsaka!

⁴Iza no nandaharanao teny? Ary fanahin'izay no nivoaka avy tao aminao?

⁵Ny matoatoa dia ampanaintainina Any ambanin'ny rano sy any ambanin'ny mponina any.

⁶Ny fiainan-tsi-hita miharihary eo anatrehany, ary ny fandringanana dia tsy mirakotra.

⁷Mamelatra ny lanitra avaratra ho eny ambonin'ny habakabaka Izy ary manantona ny tany amin'ny tsy misy.

⁸Fonosiny amin'ireo rahony matevina ny rano, nefa ny fanambanin'ny rahona tsy mety triatra.

⁹Manakona ny seza fiandrianany tsy ho hitantsika Izy amin'ny amelarany ny rahony hanarona azy.

¹⁰Asiany faritra manodidina eny ambonin'ny rano. Hatramin'izay ihaonan'ny mazava sy ny maizina.

¹¹Ny andrin'ny lanitra nihozongozona sady ankona amin'ny teny mafy ataony.

¹²Ny heriny no entiny mampanonja ny ranomasina, ary ny fahendreny no anorotoroany an-dRahaba;

¹³Ny fanahiny no mahatsara tarehy ny lanitra; Ny tànany no nitomboka ny menarana mandositra.

¹⁴Indro, ireny dia vao ny sisintsisin'ny alehany ihany aza, ary siosion-teny mamelovelo no andrenesantsika Azy; Fa raha ny fikotrokotroky ny heriny, iza moa no mahatakatra izany?