Read Malagasy Salamo 136 Bible Online

Salamo 136 - Malagasy bible

Salamo 136

¹Miderà an'i Jehovah, fa tsara Izy; Fa mandrakizay ny famindram-pony.

²Midera an'Andriamanitra Avo Indrindra; Fa mandrakizay ny famindram-pony.

³Miderà ny Tompon'ny tompo; Fa mandrakizay ny famindram-pony;

⁴Izy irery no Mpanao fahagagan-dehibe (Fa mandrakizay ny famindram-pony),

⁵Izay nanao ny lanitra tamin'ny fahendrena (Fa mandrakizay ny famindram-pony),

⁶Izay namelatra ny tany ho ambonin'ny rano, (Fa mandrakizay ny famindram-pony),

⁷Izay nanao ireo fanazavana lehibe (Fa mandrakizay ny famindram-pony),

⁸Dia ny masoandro ho mpanapaka ny andro (Fa mandrakizay ny famindram-pony),

⁹Ary ny volana sy ny kintana ho mpanapaka ny alina (Fa mandrakizay ny famindram-pony),

¹⁰Izay namely ny voalohan-terak'i Egypta, (Fa mandrakizay ny famindram-pony)

¹¹Ka nitondra ny Isiraely nivoaka avy teo aminy (Fa mandrakizay ny famindram-pony),

¹²Tamin'ny tanana mahery sy ny sandry nahinjitra (Fa mandrakizay ny famindram-pony),

¹³Izay nampisaraka ny Ranomasina Mena (Fa mandrakizay ny famindram-pony),

¹⁴Ka nampandeha ny Isiraely namaky teo afovoany (Fa mandrakizay ny famindram-pony),

¹⁵Fa nanary an'i Farao sy ny miaramilany tao anatin'ny Ranomasina Mena (Fa mandrakizay ny famindram-pony),

¹⁶Izay nitondra ny olony nitety ny efitra (Fa mandrakizay ny famindram-pony),

¹⁷Izay namely mpanjaka lehibe (Fa mandrakizay ny famindram-pony),

¹⁸Ka nahafaty mpanjaka malaza (Fa mandrakizay ny famindram-pony),

¹⁹Dia Sihona, mpanjakan'ny Amorita (Fa mandrakizay ny famindram-pony),

²⁰Sy Oga, mpanjakan'i Basana (Fa mandrakizay ny famindram-pony),

²¹Ary ny taniny nomeny ho lova (Fa mandrakizay ny famindram-pony),

²²Dia ho lovan'ny Isiraely mpanompony (Fa mandrakizay ny famindram-pony),

²³Izay nahatsiaro antsika fony isika ambany toetra (Fa mandrakizay ny famindram-pony),

²⁴Ka naneho hery namonjy antsika ho afaka tamin'ny fahavalontsika (Fa mandrakizay ny famindram-pony),

²⁵Izay manome hanina ny nofo rehetra (Fa mandrakizay ny famindram-pony);

²⁶Miderà an'Andriamanitry ny lanitra; Fa mandrakizay ny famindram-pony.