Read Malagasy Salamo 2 Bible Online

Salamo 2 - Malagasy bible

Salamo 2

¹Nahoana no mitabataba ny jentilisa, ary misaina anoano foana ny firenena?

²Ireo mpanjakan'ny tany mitsangana, Ary ny mpanapaka miara-mioko hanohitra an'i Jehovah sy ny Mesiany ka manao hoe:

³"Aoka hotosantsika ny famatorany, ka hariantsika hiala amintsika ny famehezany."

⁴Izay mipetraka any an-danitra mihomehy, ny Tompo maneso ireo.

⁵Dia hiteny azy amin'ny fahavinirany Izy ka hampangorohoro azy amin'ny fahatezerany hoe:

⁶"Izaho kosa efa nanendry ny Mpanjakako Tambonin'i Ziona, tendrombohitro masina."

⁷"Hilaza zava-boatendry Aho; Jehovah nilaza tamiko hoe: Zanako Hianao, Izaho niteraka anao androany.

⁸Mangataha amiko, dia homeko ho lovanao ny jentilisa ary ny faran'ny tany ho fanananao.

⁹Hotorotoroinao amin'ny tehim-by izy: toy ny famaky vilany tany no hanamontsamontsananao azy."

¹⁰Ary amin'izany dia hendre ianareo, ry mpanjaka; minoa anatra ianareo, ry mpitsaran'ny tany.

¹¹Manompoa an'i Jehovah amin'ny fahatahorana, ary mifalia amin'ny fangovitana.

¹²Manoroha ny zanaka, fandrao ho tezitra izy, ka ho very eny an-dalana ianareo; fa vetivety dia hirehitra ny fahatezerany. Sambatra izay rehetra mialoka aminy.