Read Malagasy Salamo 26 Bible Online

Salamo 26 - Malagasy bible

Salamo 26

¹Nataon'i Davida. Tsarao aho, Jehovah ô, fa mandeha amin'ny fahamarinako aho; ary Jehovah no itokiako, ka tsy miahanahana aho.

²Diniho aho, Jehovah ô, ka fantaro; izahao toetra ny voako sy ny foko.

³Fa ny famindram-ponao no eo anoloan'ny masoko; ary mandeha amin'ny fahamarinanao aho.

⁴Tsy mba miara-mipetraka amin'ny olon-dratsy aho, na manan-draharaha amin'ny olom-petsy.

⁵Halako ny fiangonan'ny mpanao ratsy; ary tsy miara-mipetraka amin'ny ratsy fanahy aho.

⁶Manasa ny tanako noho ny fahamarinako aho, ka te-hitoetra eo akaikin'ny alitaranao, Jehovah ô,

⁷Mba hanao feo fiderana, ka hilaza ny asanao mahagaga rehetra.

⁸Jehovah ô, tiako ny trano itoeranao, dia ny fonenan'ny voninahitrao.

⁹Aza mitondra ny fanahiko hiara-maty amin'ny mpanota, na ny aiko amin'ny mpandatsa-drà,

¹⁰Izay misy fitaka eny an-tànany, ary feno kolikoly ny tànany ankavanana.

¹¹Fa izaho kosa dia mandeha amin'ny fahamarinako; avoty sy amindrao fo aho.

¹²Ny tongotro mijoro eo amin'ny tany marina; eo am-piangonana no isaorako an'i Jehovah.