Read Malagasy Josoa 15 Bible Online

Josoa 15 - Malagasy bible

Josoa 15

¹Ary izao no anjaran'ny firenena taranak'i Joda tamin'ny filokana araka ny fokony: hatramin'ny fari-tanin'i Edoma dia ny efitra Zina atsimo, izay faran'ny faritany atsimo.

²Ary ny fari-taniny atsimo dia hatramin'ny faran'ny Ranomasin-tsira, dia hatramin'ny helo-drano atsimo,

³dia nandroso hatrany atsimon'ny fiakarana Akrabima, dia nandroso hatrany Zina, dia niakatra any atsimon'i Kadesi-barnea ka nandroso hatrany Hezrona dia niakatra any Adara ary niolaka hatrany Karka,

⁴dia nandroso hatrany Azmona ka nahazo ny lohasahan-driak'i Egypta, ary dia nihatra tamin'ny ranomasina; izany no ho fari-taninareo atsimo.

⁵Ary ny fari-tany atsinanana dia ny Ranomasin-tsira hatramin'ny faran'i Jordana. Ary ny fari-taniny tamin'ny lafiny avaratra dia hatramin'ny helo-drano eo amin'ny faran'i Jordana,

⁶dia niakatra hatrany Beti-hogla ka nandroso any avaratr'i Bet-araba, dia niakatra hatramin'ny vaton'i Bohana, zanak'i Robena,

⁷dia niakatra ho any Debira hatramin'ny lohasaha Akora ary nianavaratra manandrify an'i Gilgala tandrifin'ny fiakarana Adomina, izay eo atsimon'ny lohasahan-driaka, dia nandroso hatramin'ny rano Ensemesy ary nihatra tany En-rogela,

⁸dia niakatra teo amin'ny lohasahan'ny taranak'i Hinoma, ho eo anilany atsimon'ny Jebosita (Jerosalema izany), dia niakatra hatramin'ny tampon'ny tendrombohitra, izay manandrify ny lohasahan'i Hinoma eo andrefany, amin'ny farany avaratry ny Lohasahan'ny Refaita,

⁹dia nizotra hatramin'ny tampon'ny tendrombohitra ka nihatra tamin'ny loharano Neftoa, dia nahazo ny tanàna tao an-tendrombohitra Efrona, dia nizotra hatrany Bala (Kiriata-jearima izany),

¹⁰dia niolaka hatrany Bala andrefana ka hatramin'ny tendrombohitra Seira ka nandroso hatramin'ny ilany avaratry ny tendrombohitra Jearima (Kesalona izany), dia nidina hatrany Beti-semesy ka nandroso hatrany Timna.

¹¹dia nihatra tamin'ny lafiny avaratr'i Ekrona, dia nizotra hatrany Sikerona ka nandroso hatramin'ny tendrombohitra Bala, dia nihatra tamin'i Jabniela, ary dia nihatra tany amin'ny ranomasina.

¹²Ary ny fari-tany andrefana dia ny moron'ny Ranomasina Lehibe. Izany no fari-tany manodidina ny anjaran'ny taranak'i Joda araka ny fokony.

¹³Ary Kaleba, zanak'i Jefone, dia nomeny anjara teo amin'ny taranak'i Joda, araka ny didin'i Jehovah tamin'i Josoa, dia ny tanànan'i Arba, rain'i Anàka (Hebrona izany).

¹⁴Dia noroahin'i Kaleba niala tao izy telo lahy, taranaky ny Anakita, dia Sesay sy Ahimana ary Talmay.

¹⁵Dia niakatra avy tao izy hankany amin'ny mponina any Debira (Kiriata-sefera no anaran'i Debira taloha).

¹⁶Ary hoy Kaleba: Izay mamely an'i Kiriata-sefera ka mahafaka azy, dia homeko azy Aksa zanako-vavy ho vadiny.

¹⁷Ary Otniela, zanak'i Kenaza, rahalahin'i Kaleba, no nahafaka azy; ka dia nomeny azy Aksa zananivavy ho vadiny.

¹⁸Ary rehefa voampakatra ravehivavy, dia nanome vava ny lahy hangataka saha tamin-drainy; dia niala faingana tamin'ny borikiny ravehivavy, ka hoy Kaleba taminy: Inona no ilainao?

¹⁹Ary hoy izy: Omeo tso-drano aho; fa tsy tany misy rano no efa nomenao ahy, ka mba omeo loharano koa aho. Dia nomeny azy ny loharano ambony sy ny loharano ambany.

²⁰Izao no lovan'ny firenena taranak'i Joda araka ny fokony:

²¹Ny tanàna farany amin'ny firenena taranak'i Joda, eo akaikin'ny fari-tanin'i Edoma amin'ny tany atsimo, dia Kabzela sy Edera sy Jagora

²²sy Kina sy Dimona sy Adada

²³sy Kadesy sy Hazora sy Itnana

²⁴sy Zifa sy Talema sy Bealota

²⁵sy Hazora-hadata sy Keriota-hezrona (Hazora izany),

²⁶sy Amama sy Sema sy Molada

²⁷sy Hazara-gada sy Hesmona sy Beti-paleta

²⁸sy Hazara-soala sy Beri-sheba sy Biziotia

²⁹sy Bala sy Ie sy Azema

³⁰sy Eltolada sy Kesila sy Horma

³¹sy Ziklaga sy Madmana sy Sansana

³²sy Lebaota sy Silima sy Aina sy Rimona; sivy amby roa-polo ny tanàna rehetra sy ny zana-bohiny.

³³Ary teo amin'ny tany lemaka amoron-tsiraka dia Estaola sy Zora sy Asna

³⁴sy Zanoa sy En-ganima sy Tapoa sy Enama

³⁵sy Jarmota sy Adolama sy Soko sy Azeka

³⁶sy Saraima sy Aditaima sy Gadera sy Gederotaima: tanàna efatra ambin'ny folo sy ny zana-bohiny;

³⁷ary Zenana sy Hadasa sy Migdala-gada

³⁸sy Dilana sy Mizpa ary Joktela

³⁹sy Lakisy sy Bozkata sy Eglona

⁴⁰sy Kabona sy Lamasa sy Kitlisa

⁴¹sy Gederota sy Beti-dagona sy Nama sy Makeda: tanàna enina ambin'ny folo sy ny zana-bohiny;

⁴²Libna sy Atera sy Asana

⁴³sy Jifta sy Asna ary Neziba

⁴⁴sy Keila sy Akziba ary Maresa: tanàna Sivy sy ny zana-bohiny;

⁴⁵Ekrona sy ny tanànany ary ny zana-bohiny;

⁴⁶hatrany Ekrona no ho miankandrefana, dia izay rehetra akaiky an'i Asdoda, sy ny zana-bohitr'ireo,

⁴⁷Asdoda sy ny tanànany ary ny zana-bohiny, Gaza sy ny tanànany ary ny zana-bohiny, hatramin'ny lohasahan-driak'i Egypta sy ny amoron'ny Ranomasina Lehibe.

⁴⁸Ary tany amin'ny tany havoana dia Samira sy Jatira sy Soko

⁴⁹sy Dana sy Ririata-sana (Debira izany)

⁵⁰sy Anaba sy Estemo sy Anima

⁵¹sy Gosena sy Holona sy Gilo: tanàna iraika ambin'ny folo sy ny zana-bohiny;

⁵²Araba sy Doma sy Esana

⁵³sy Janoma sy Beti-tapoa sy Afeka

⁵⁴sy Honta sy Kiriat-arba (Hebrona izany) ary Ziora: tanàna sivy sy ny zana-bohiny;

⁵⁵Maona sy Karmela sy Zifa sy Jota

⁵⁶sy Jezirela sy Jokdeama sy Zanoa

⁵⁷sy Kaina sy Gibea sy Timna: tanana folo sy ny zana-bohiny;

⁵⁸sy Halola sy Beti-zora sy Gedora

⁵⁹sy Marata sy Bet-anota sy Eltekona: tanàna enina sy ny zana-bohiny;

⁶⁰sy Kiriata-bala (Kiriata-jearima izany) sy Raba; tanàna roa sy ny zana-bohiny.

⁶¹Tany an-efitra dia Bet-araba sy Midina sy Sekaka

⁶²sy Nibsana sy ilay Tanànantsira ary En-jedy: tanàna enina sy ny zana-bohiny.

⁶³Ary ny amin'ny Jebosita, mponina any Jerosalema, dia tsy naharoaka azy ny taranak'i Joda; fa miara-monina amin'ny taranak'i Joda any Jerosalema mandraka androany izy ireny.