Read Malagasy Josoa 19 Bible Online

Josoa 19 - Malagasy bible

Josoa 19

¹Ary ny loka faharoa dia azon'i Simeona, dia ny firenena taranak'i Simeona isam-pokony; ary ny lovany dia tao anatin'ny lovan'ny taranak'i Joda.

²Ary izao no azony ho lovany: Beri-sheba, na Seba, sy Molada

³sy Hazara-soala sy Bala sy Azema

⁴sy Eltolada sy Betola sy Horma

⁵sy Ziklaga sy Beti-markabota sy Hazara-sosa

⁶sy Beti-lebaota ary Sarohena: tanàna telo ambin'ny folo sy ny zana-bohiny;

⁷sy Aina sy Rimona sy Etera sy Asana: tanàna efatra sy ny zana-bohiny;

⁸ary ny zana-bohitra rehetra manodidina ireo tanàna ireo hatrany Baleta-bera sy Rama amin'ny tany atsimo. Izany no lovan'ny firenena taranak'i Simeona araka ny fotony.

⁹Avy tamin'ny anjaran'ny taranak'i Joda no nahazoan'ny taranak'i Simeona ny lovany; fa nalalaka loatra taminy ny anjaran'ny taranak'i Joda, ka izany no nahazoan'ny taranak'i Simeona anjara tao anatin'ny azy.

¹⁰Ary ny loka fahatelo dia azon'ny taranak'i Zebolona isam-pokony; ary ny faritanin'ny lovany dia hatrany Sarida,

¹¹dia niakatra niankandrefana hatrany Marala, dia nahazo an'i Dabeseta ka nihatra tamin'ny lohasahan-driaka tandrifin'i Jokneama,

¹²dia nitodika niantsinanana hatrany Sarida ka hatramin'ny fari-tanin'i Rislota-tabara, dia nandroso hatrany Daberata ka niakatra hatrany Jafia,

¹³dia nandroso niantsinanana hatrany Gata-hefera sy Ita-kazina ka nandroso hatrany Rimona, izay mipaka an'i Nea,

¹⁴dia niolaka eo avaratr'iny ka nahazo an'i Hanatona, dia nihatra tamin'ny lohasaha Jifta-ela.

¹⁵Ary Katata sy Nahalola sy Simrona sy Idala sy Betlehema, dia tanàna roa ambin'ny folo sy ny zana-bohiny.

¹⁶Izany no lovan'ny taranak'i Zebolona araka ny fokony, dia ireo tanàna ireo sy ny zana-bohiny.

¹⁷Ary ny loka fahefatra dia azon'Isakara, dia ny taranak'Isakara isam-pokony.

¹⁸Ary ny fari-taniny dia hatrany Jezirela sy Kesolota sy Sonema

¹⁹sy Hafraima sy Siona sy Anaharata

²⁰sy Rabita sy Kisiona sy Abeza

²¹sy Rameta sy Enganima sy Enhada ary Beti-pazeza.

²²Ary ny fari-taniny dia nahazo an'i Tabara sy Sahazoma sy Beti-semesy, ka dia nihatra tany Jordana: tanàna enina ambin'ny folo sy ny zana-bohiny.

²³Izany no lovan'ny firenena taranak'Isakara araka ny fokony, dia ireo tanàna ireo sy ny zana-bohiny.

²⁴Ary ny loka fahadimy dia azon'ny firenena taranak'i Asera isam-pokony.

²⁵Ary ny fari-taniny dia Helkata sy Haly sy Batena sy Aksafa

²⁶sy Alameleka sy Amada sy Misala, dia nihatra any Karmela eo andrefana sy Sihora-libnata,

²⁷dia nitodika niantsinanana ho any Beti-dagona ka nihatra any Zebolona sy ny lohasaha Jifta-ela any avaratra sy Bet-emeka sy Neiela, ka dia nihatra any Kabola eo ankavia

²⁸ary Ebrona sy Rehoba sy Hamona sy Kana ka hatrany Sidona lehibe,

²⁹dia nitodika hatrany Rama sy Tyro, tanàna mimanda, dia nitodika hatrany Hosa, ka dia nihatra tamin'ny ranomasina teo akaikin'ny tany Akziba

³⁰ary Oma sy Afeka ary Rehoba: tanàna roa amby roa-polo sy ny zana-bohiny.

³¹Izany no lovan'ny firenena taranak'i Asera araka ny fokony, dia ireo tanàna ireo sy ny zana-bohiny.

³²Ary ny loka fahenina dia an'ny taranak'i Naftaly isam-pokony.

³³Ary ny fari-taniny dia hatrany Halefa ka hatramin'ny hazo terebinta ao Zananima sy hatrany Adami-hanekeba sy Jabniela ka hatrany Lakoma, ka dia nihatra an'i Jordana,

³⁴dia nitodika niankandrefana hatrany Aznota-tabara, dia nandroso hatrany Hokoka ary nihatra an'i Zebolona eo atsimo sy Asera eo andrefana ary Joda amoron'i Jordana eo atsinanana.

³⁵Ary ny tanàna mimanda dia Zidima Zera sy Hamata sy Rakata sy Kinereta

³⁶sy Adama sy Rama sy Hazora

³⁷sy Kadesy sy Edrehy sy En-hazora

³⁸sy Irona sy Migda ela sy Horema sy Bet-anata ary Beti-semesy: tanàna sivy ambin'ny folo sy ny zana-bohiny.

³⁹Izany no lovan'ny firenena taranak'i Naftaly araka ny fokony, dia ireo tanàna ireo sy ny zana-bohiny.

⁴⁰Ary ny loka fahafito dia an'ny firenena taranak'i Dana isam-pokony.

⁴¹Ary ny fari-tanin'ny lovany dia Zora sy Estaola sy Ira-semesy

⁴²sy Salabima sy Aialona sy Jitla

⁴³sy Elona sy Timna sy Ekrona

⁴⁴sy Elteke sy Gibetona sy Baleta

⁴⁵sy Jehoda sy Bene-beraka sy Gat-rimona

⁴⁶sy Me-jarkona sy Rakona ary ny tany tandrifin'i Jopa.

⁴⁷Ary ny fari-tanin'ny taranak'i Dana dia nandroso nihoatra ireo; fa niakatra ny taranak'i Dana, dia niady tamin'i Lesema ka nahafaka azy ary namely azy tamin'ny lelan-tsabatra ka nahazo azy, dia nitoetra teo; ary ny anaran'i Lesema nataony hoe Dana araka ny anaran'i Dana rainy.

⁴⁸Izany no lovan'ny firenena taranak'i Dana araka ny fokony, dia ireo tanàna ireo sy ny zana-bohiny.

⁴⁹Dia vitany ny nizarana ny tany holovany araka ny fari-taniny, ka dia nomen'ny Zanak'Isiraely lova teo aminy koa Josoa, zanak'i Nona.

⁵⁰Araka ny tenin'i Jehovah dia nomeny azy ny tanàna izay nangatahiny, dia Timnata-sera any amin'ny tany havoan'i Efraima: dia nanamboatra ny tanàna izy ka nitoetra tao.

⁵¹Ireo no lova izay nozarain'i Eleazara mpisorona sy Josoa, zanak'i Nona, ary ny lohan'ny fianakaviana tamin'ny firenen'ny Zanak'Isiraely tao Silo teo anatrehan'i Jehovah, dia teo am-baravaran'ny trano-lay fihaonana, araka ny filokana. Dia vitany avokoa ny nizarany ny tany.