Read Dikateny Iombonana Eto Madagasikara Genesỳ 5 Bible Online

Genesỳ 5 - Dikateny Iombonana Eto Madagasikara bible

Genesỳ 5

¹Ity no lisitry ny taranak’i Adama: Tamin’ny andro naharian’Andriamanitra ny olombelona, dia nataon’Andriamanitra manahaka Azy ny olombelona.

²Lehilahy sy vehivavy no nahariany azy, dia nitsodrano azy Izy ka niantso azy hoe olombelona tamin’ny andro nahariany azy[23].

³Rehefa feno 130 taona i Adama, dia niteraka zazalahy manahaka azy sy mitovy endrika aminy ary nantsoiny hoe Seta.

⁴Taorian’ny nahaterahan’i Seta, dia mbola velona nandritra ny 800 taona i Adama, ary niteraka zanakalahy sy zanakavavy maro.

⁵Nisy 930 taona ny andro rehetra niainan’i Adama, dia maty izy.

⁶Rehefa feno 105 taona i Seta, dia niteraka an’i Enôsa.

⁷Taorian’ny nahaterahan’i Enôsa, dia mbola velona nandritra ny 807 taona i Seta, ary niteraka zanakalahy sy zanakavavy maro.

⁸Nisy 912 taona ny andro rehetra niainan’i Seta, dia maty izy.

⁹Rehefa feno 90 taona i Enôsa, dia niteraka an’i Kenàna.

¹⁰Taorian’ny nahaterahan’i Kenàna, dia mbola velona nandritra ny 815 taona i Enôsa, ary niteraka zanakalahy sy zanakavavy maro.

¹¹Nisy 905 taona ny andro rehetra niainan’i Enôsa, dia maty izy.

¹²Rehefa feno 70 taona i Kenàna, dia niteraka an’i Mahalalèla.

¹³Taorian’ny nahaterahan’i Mahalalèla, dia mbola velona 840 taona i Kanàna, ary niteraka zanakalahy sy zanakavavy maro.

¹⁴Nisy 910 taona ny andro rehetra niainan’i Kenàna, dia maty izy.

¹⁵Rehefa feno 65 taona i Mahalalèla, dia niteraka an’i Jerada.

¹⁶Taorian’ny nahaterahan’i Jereda, dia mbola velona nandritra ny 830 taona i Mahalalèla, ary niteraka zanakalahy sy zanakavavy maro.

¹⁷Nisy 895 taona ny andro rehetra niainan’i Mahalalèla, dia maty izy.

¹⁸Rehefa feno 162 taona i Jereda, dia niteraka an’i Henôka.

¹⁹Taorian’ny nahaterahan’i Henôka, dia mbola velona 800 taona i Jereda, ary niteraka zanaka lahy sy zanaka vavy maro.

²⁰Nisy 962 taona ny andro rehetra niainan’i Jereda, dia maty izy.

²¹Rehefa feno 65 taona i Henôka, dia niteraka an’i Metosèla[24].

²²Ary niara-nandeha tamin’Andriamanitra i Henôka, ka taorian’ny nahaterahan’i Metosèla dia mbola velona 300 taona izy ary niteraka zanakalahy sy zanakavavy maro.

²³Nisy 365 taona ny andro rehetra niainan’i Henôka[25].

²⁴Niara-nandeha tamin’Andriamanitra izy; ary tsy hita izy satria nalain’Andriamanitra ho any aminy.

²⁵Rehefa feno 187 taona i Metosèla, dia niteraka an’i Lamèka.

²⁶Taorian’ny nahaterahan’i Lamèka, dia mbola velona nandritra ny 782 taona i Metosèla ary niteraka zanakalahy sy zanakavavy maro.

²⁷Nisy 969 taona ny andro rehetra niainan’i Metosèla, dia maty izy.

²⁸Rehefa feno 182 taona i Lamèka, dia niteraka zazalahy,

²⁹ary ny anarany nataony hoe Noà, fa hoy izy hoe: — Ity no hampionona anay[26] amin’ny asa mafy sy ny fahasahirananay noho ny nanozonan’ny TOMPO ny tany.

³⁰Taorian’ny nahaterahan’i Noà, dia mbola velona 595 taona i Lamèka, ary niteraka zanakalahy sy zanakavavy maro.

³¹Nisy 777 taona ny andro rehetra niainan’i Lamèka, dia maty izy.

³²Efa 500 taona i Noà raha niteraka an’i Sema sy i Hama ary i Jafeta.