Read Dikateny Iombonana Eto Madagasikara 1 Tantara 24 Bible Online

1 Tantara 24 - Dikateny Iombonana Eto Madagasikara bible

1 Tantara 24

¹Ny amin’ireo taranak’i Aharôna dia nisy fitsinjarana azy ho antokony. Ny zanakalahin’i Aharôna dia i Nadaba sy i Abihò ary i Elehazara sy i Itamara.

²Maty talohan-drainy sady tsy nanan-janaka i Nadaba sy i Abihò[164]; koa dia i Elehazara sy i Itamara no nanao ny raharaha maha mpisorona.

³Tatỳ aoriana, dia i Davida sy i Tsadôka taranak’i Elehazara mbamin’i Ahimelèka taranak’i Itamara, no nitsinjara ireo taranak’i Aharôna ho antokony araka ny tandrifin’ny fanompoany avy.

⁴Hita ho maro kokoa ireo lehilahy loham-pianakaviana tamin’ny taranak’i Elehazara noho ny tamin’ny taranak’i Itamara; ka ny taranak’i Elehazara dia notsinjaraina hisy loham-pianakaviana 16, ary ny taranak’i Itamara dia notsinjaraina hisy loham-pianakaviana valo.

⁵Samy natao antsapaka ny fitsinjarana azy rehetra, satria samy mpiandraikitra ny Toeramasina sy mpiandraikitra ny raharahan’Andriamanitra[165], na ny avy tamin’ny taranak’i Elehazara na ny avy tamin’ny taranak’i Itamara.

⁶I Semahià, izay zanakalahin’i Natanaela sady mpitantsoratra anankiray anisan’ny levita, no nanoratra izany fitsinjarazarana izany teo anatrehan’ny mpanjaka sy ny mpanapaka, teo anatrehan’i Tsadôka mpisorona sy i Ahimelèka zanakalahin’i Abiatara, ary teo anatrehan’ny loham-pianakavian’ny mpisorona sy ny loham-pianakavian’ny levita: hatrany hatrany, dia fianakaviana roa no nalaina antsapaka tamin’ny terak’i Elehazara, vao iray kosa tamin’ny terak’i Itamara[166].

⁷Ny antsapaka voalohany dia azon’i Jôiariba; ny faharoa, azon’i Jedahià;

⁸ny fahatelo, azon’i Harima; ny fahefatra, azon’i Sehôrima;

⁹ny fahadimy, azon’i Malkià; ny fahenina, azon’i Miamîna;

¹⁰ny fahafito, azon’i Hakôtsa; ny fahavalo, azon’i Abià;

¹¹ny fahasivy, azon’i Jesoa; ny fahafolo, azon’i Sekanià;

¹²ny faha-11, azon’i Eliasiba; ny faha-12, azon’i Jakima;

¹³ny faha-13, azon’i Hopà; ny faha-14, azon’i Jesebaba;

¹⁴ny faha-15, azon’i Bilgà; ny faha-16, azon’i Imera;

¹⁵ny faha-17, azon’i Hezira; ny faha-18, azon’i Hapitsetsa;

¹⁶ny faha-19, azon’i Petahià, ny faharoapolo, azon’i Ezekiela;

¹⁷ny faha-21, azon’i Jakina; ny faha-22, azon’i Gamola;

¹⁸ny faha-23, azon’i Delaià; ny faha-24, azon’i Mahazià.

¹⁹Izany no fitsinjarana ny taranak’i Aharôna ho antokony amin’ny fanompoany avy, mba hahatongavany ao an-tranon’ny TOMPO; araka ny fitsipika izay tena nifandraika tamin’ny didy nomen’ny TOMPO Andriamanitr’i Israely no nampitan’i Aharôna razambeny azy.

²⁰Ny amin’ireo levita sisa dia izao[167]: Tamin’ny taranak’i Hamrama dia i Sobaela; ary tamin’ny zanakalahin’i Sobaela dia i Jehedeià.

²¹Tamin’ny zanakalahin’i Rehabià dia i Jisià no filohany.

²²Tamin’ny zanakalahin’i Jitsehara dia i Selômôta; ary tamin’ny zanakalahin’i Selômôta dia i Jahata.

²³Tamin’ny zanakalahin’i Hebrôna dia i Jerià no lahimatoa, i Amarià no lahiaivo[168], i Jahaziela no fahatelo ary i Jekamehama no faralahy.

²⁴Ny zanakalahin’i Hoziela dia i Mikà; ary tamin’ny zanakalahin’i Mikà dia i Samira.

²⁵I Jisià no rahalahin’i Mikà; ary tamin’ny zanakalahin’i Jisià dia i Zakarià.

²⁶Ny zanakalahin’i Merarỳ dia i Mahilỳ sy i Mosỳ ary i Jahazià.

²⁷Ny zafin’i Merarỳ, tamin’i Jahazià zanany, dia i Sôhama sy i Zakora ary i Hibrỳ;

²⁸ny zafin’i Merarỳ, tamin’i Mahilỳ, dia i Elehazara (izay tsy nanan-janakalahy)

²⁹sy i Kisy (izay i Jerahimeela no isan’ny zanakalahiny).

³⁰Ny zanakalahin’i Mosỳ kosa dia i Mahilỳ sy i Hedera ary i Jerimôta. Ireo no taranaky ny levita araka ny fianakaviany avy.

³¹Toraka ireo rahalahiny, taranak’i Aharôna, ny levita koa dia mba notsinjaraina fanompoana tamin’ny antsapaka teo anatrehan’i Davida mpanjaka, teo anatrehan’i Tsadôka sy i Abimelèka, ary teo anatrehan’ny loham-pianakavian’ny mpisorona sy ny loham-pianakavian’ny levita: samy natao antsapaka mifanarakaraka na ny fianakavian’ny zokiny na ny fianakavian’ny zandriny.