Read Dikateny Iombonana Eto Madagasikara 1 Tantara 3 Bible Online

1 Tantara 3 - Dikateny Iombonana Eto Madagasikara bible

1 Tantara 3

¹Ireto[15] no zanakalahy naterak’i Davida tao Hebrôna: ny lahimatoa dia i Amnôna, zanakalahin’i Ahinôhama avy any Jizrehela; ny faharoa dia i Daniela, zanakalahin’i Abigaîla avy any Karmela;

²ny fahatelo dia i Absalôma, zanalahin’i Mahekà izay zanakavavin’i Talmay mpanjakan’i Gesora; ny fahefatra dia i Adônià, zanakalahin’i Hagita;

³ny fahadimy dia i Sefatià, zanakalahin’i Abitela; ny fahenina dia i Jitrehama, zanakalahin’i Heglà vadin’i Davida koa.

⁴Ireo enina ireo no naterak’i Davida tao Hebrôna izay nanjakany fito taona sy enim-bolana. Avy eo dia nanjaka telo amby telopolo taona tao Jerosalema i Davida[16].

⁵Ireto kosa no naterany tao Jerosalema: i Simehà sy i Sôbaba ary i Natàna sy i Salômôna, ka ity fahefatra ity no tamin’i Baty-Seba zanakavavin’i Hamiela[17];

⁶ary sivy hafa koa, dia i Jibehara sy i Elisoa, i Elpeleta[18]

⁷sy i Nôga, i Nefega sy i Jafia

⁸mbamin’i Elisamà sy i Eliadà ary i Elifelety.

⁹Izy rehetra ireo no zanakalahin’i Davida, afa-tsy ny zanaky ny vadikeliny; ary i Tamara no anabavin’ireo.

¹⁰Taranak’i Salômôna: i Rehabohama zanakalahin’i Salômôna, i Abià[19] zanakalahin-dRehabohama, i Asà zanakalahin’i Abià, i Jôsafata zanakalahin’i Asà,

¹¹i Jôrama zanakalahin’i Jôsafata, i Ahazià zanakalahin’i Jôrama, i Jôasy zanakalahin’i Ahazià,

¹²i Amatsià zanakalahin’i Jôasy, i Hazarià[20] zanakalahin’i Amatsià, i Jôtama zanakalahin’i Hazarià,

¹³i Ahaza zanakalahin’i Jôtama, i Hezekià zanakalahin’i Ahaza, i Manase zanakalahin’i Hezekià,

¹⁴i Amôna zanakalahin’i Manase, ary i Jôsià zanakalahin’i Amôna.

¹⁵Ny zanakalahin’i Josià dia i Johanàna no lahimatoa, i Jôiakima no faharoa, i Tsedekià no fahatelo, ary i Saloma no fahefatra.

¹⁶Ny zanakalahin’i Jôiakima dia i Jekônià[21] sy i Tsedekià.

¹⁷Ireo zanakalahin’i Jekônià[22], ilay lasan-ko babo tany Babilôna, dia i Sealtiela

¹⁸sy i Malkirama, i Pedaià sy i Senatsara mbamin’i Jekamià sy i Hôsamà ary i Nedabià.

¹⁹Ny zanakalahin’i Pedaià dia i Zerobabela sy i Simehỳ; ny zanak’i Zerobabela dia i Mesolama sy i Hananià mirahalahy, i Selômita anabaviny,

²⁰ary dimy lahy hafa koa: dia i Hasobà sy i Ôhela mbamin’i Berekià sy i Hasadià ary i Josaba-Heseda.

²¹Ny taranak’i Hananià dia i Pelatià sy i Jesahià mbamin’ireo zanakalahin-dry i Refaià sy i Arnàna ary i Hôbadià sy i Sekanià.

²²Ny zanakalahin’i Sekanià dia enina: i Semahià[23] sy i Hatosa, i Jigala sy i Barià ary i Neharià sy i Safata.

²³Ny zanakalahin’i Neharià dia telo: i Eliôhenay sy i Hezekià ary i Hazrikama.

²⁴Ny zanakalahin’i Eliôhenay dia fito: i Hôdavià sy i Eliasiba, i Pelaià sy i Hakoba mbamin’i Jôhanàna sy i Delaià ary i Hananỳ.