Read Dikateny Iombonana Eto Madagasikara Salamo 114 Bible Online

Salamo 114 - Dikateny Iombonana Eto Madagasikara bible

Salamo 114

¹Haleloià! Fony niala tany Ejipta[312] ireo Israelita, taranak’i Jakôba, ka nandao an’ilay firenena lozabe sady hafa fiteny,

²dia tonga Toeramasin’ny Tompo i Joda ary faritany anjakany i Israely[313].

³Ny ranomasina nahita ny Israelita ka nandositra; ny ony Jôrdàna nanjary niorika[314];

⁴ny tendrombohitra niantsambotra toa ondrilahy ary ny havoana nitsambikina toa zanakosy.

⁵Ahoana ianao, ry ranomasina, no mandositra, ary ianao, ry ony Jôrdàna, no manjary miorika?

⁶Ahoana ianareo, ry tendrombohitra, no miantsambotra toa ondrilahy, ary ianareo, ry havoana, no mitsambikina toa zanakosy?

⁷Aoka ianao, ry tany, hientanentan-kafaliana eo anoloan’ny Tompo, dia ny Andriamanitr’i Jakôba,

⁸fa manova ny vatolampy ho farihy Izy, mahatonga ny karaobato ho loharano[315]!