Read Dikateny Iombonana Eto Madagasikara Salamo 46 Bible Online

Salamo 46 - Dikateny Iombonana Eto Madagasikara bible

Salamo 46

¹Tao amin’ny tahirin-kiran’ny filohan’antoko-mpihira. Hampiarahina amin’ny zava-maneno avo feo. Tononkira nataon’ireo terak’i Kôra[90].

²Andriamanitra ny anay no aro sy hery; mpamonjy mora azo indrindra Izy amin’ny fahoriana.

³Koa tsy atahoranay na tany hihozona, na tendrombohitra hianjera any anaty ranomasina,

⁴na riaka hirohondrohona sy handroatra ka hibontsina hampikoa ny tendrombohitra. Ny TOMPOn’izao rehetra izao no momba anay; ilay Andriamanitr’i Jakôba no fialofanay! Fiatoana

⁵Misy renirano mampifaly ny tanànan’Andriamanitra, dia ilay fonena-masina tsy manan-tsahala amin’ireo fonenan’ny Avo Indrindra.

⁶Andriamanitra no eo anivony ka tsy hihontsona izy; Andriamanitra mamonjy azy raha ho avy ny maraina.

⁷Mitabataba ny firenena, mikorontana ny fanjakana; ny Tompo kosa namoaka feo toa kotro-baratra, dia nihovotra sy niempo ny tany.

⁸Ny TOMPOn’izao rehetra izao no momba anay; ilay Andriamanitr’i Jakôba no fialofanay! Fiatoana

⁹Tongava hizaha ny asa vitan’ny TOMPO, dia ny zava-mampitolagaga nataony teto an-tany:

¹⁰ny ady ampitsahariny hatrany am-paran’ny tany, ny tsipîka sy ny lefona tapatapahiny, ary ny ampinga ataony kilan’ny afo.

¹¹Hoy ny Tompo hoe: «Tapitra hatreo ny ady; ka ekeo fa Izaho no Andriamanitra, voasandratra hanerinerina amin’ireo firenena, voasandratra hanerinerina amin’ny tany.»

¹²Ny TOMPOn’izao rehetra izao no momba anay; ilay Andriamanitr’i Jakôba no fialofanay! Fiatoana