Read Dikateny Iombonana Eto Madagasikara Salamo 54 Bible Online

Salamo 54 - Dikateny Iombonana Eto Madagasikara bible

Salamo 54

¹Tao amin’ny tahirin-kiran’ny filohan’antoko-mpihira. Hampiarahina amin’ny valiha. Tononkalo fananarana nataon’i Davida,

²fony tonga ny Zifita ka nanao tamin’i Saoly hoe: Miery any aminay i Davida[107].

³Andriamanitra ô, vonjeo aho noho ny voninahitrao; ary omeo rariny aho satria mahery Ianao!

⁴Andriamanitra ô, henoy ny fivavako; mba mampandria sofina amin’ny teniko.

⁵Fa olona hafa firenena no mitsangan-kamely ahy, olon-dozabe no mitady hahafaty ahy tsy miraharaha Anao akory ireo. Fiatoana

⁶Indro kosa Andriamanitra manampy ahy, ny Tompo no hany mpanohana ahy;

⁷Izy anie hamaly ny ratsy ataon’ny mpitsikilo ahy! Aringano ireo satria mahatoky tokoa Ianao.

⁸An-tsitrapo no anaterako sorona ho Anao; TOMPO ô, hidera Anao aho fa tsara Ianao; nafahanao tamin’ny fahoriako rehetra aho ka hitako maso ny fahavaloko resy.