Read Dikateny Iombonana Eto Madagasikara Salamo 84 Bible Online

Salamo 84 - Dikateny Iombonana Eto Madagasikara bible

Salamo 84

¹Tao amin’ny tahirin-kiran’ny filohan’antoko-mpihira. Hampiarahina amin’ny jejilava. Salamo nataon’ny terak’i Kôra.

²Ry TOMPOn’izao rehetra izao ô, endrey ny fitiavako ny tranonao!

³Efa tsindrian-daona sady manina aho te ho ao an-kianjan’ny tempolinao. Ny tenako iray manontolo no mihoby an’ilay Andriamanitra velona.

⁴Na ny tsikirity aza, mahita fialofana, ny sidintsidina koa mahita akany mba hametrahany ny zanany, eo anilan’ny alitaranao, ry TOMPOn’izao rehetra izao ô, Mpanjakako sady Andriamanitro.

⁵Sambatra izay mitoetra ao an-tranonao ka afaka midera Anao hatrany! Fiatoana

⁶Sambatra ny olona mahazo hery avy aminao ka manampo hanao fivahiniana any Tsiôna;

⁷Rehefa mandalo ny lohasahan’ny Balsama[204] izy, dia hasian’Andriamanitra loharano izany; sady avy koa ny loha orana[205] hameno kamory azy.

⁸Mitombo hery hatrany izay arakaraka ny androsoany mba hiseho eo anatrehan’Andriamanitra ao Tsiôna.

⁹Ry TOMPO Andriamanitr’izao rehetra izao ô, mba henoy ny vavaka ataoko; ry Andriamanitr’i Jakôba ô, mandrenesa. Fiatoana

¹⁰Andriamanitra ô, mba jereo ny mpanjaka izay toy ny ampinga miaro anay; tsinjovy ilay olona voahosotrao.

¹¹Ny indray andro eo an-kianjan’ny tempolinao dia tsara kokoa noho ny arivo any an-toeran-kafa; koa eo am-baravaran’ny tranonao no aleoko ipetrahana, Andriamanitro ô, toy izay hitoetra ao amin’ny fonenan’ny olon-dratsy.

¹²Eny, ny TOMPO Andriamanitra no manda sy ampinga ho antsika. Fitiavana sy voninahitra no omen’ny TOMPO; tsy mba misy zava-tsoa laviny amin’izay madio fitondrantena.

¹³Ry TOMPOn’izao rehetra izao ô, sambatra ny olona mitoky aminao!