Read Dikateny Iombonana Eto Madagasikara Bena-Siràka 1 Bible Online

Bena-Siràka 1 - Dikateny Iombonana Eto Madagasikara bible

Bena-Siràka 1

¹Sava lalana Ity boky ity dia asan’olona anankiray atao hoe Jesoa, zanakalahin’i Bena-Siràka, ka izany no iantsoana azy ankehitriny hoe Bokin’i Bena-Siràka (fiantsoana taloha: Eklesiastika na Eklesiastikosy). Niaina tao Jerosalema talohan’ny fikomian’ireo Makabeo izany mpanoratra izany. Olona fatra-pandalina ny Soratra Masina fampiasan’i Israely izy sady nahatety tany maro, ka anisan’ireo olon-kendry. Na dia nanana saina mivelatra toy izany aza izy, dia tsy nanaiky lembenana teo anoloan’ny kolotsaina helenista, kolotsaina vaovao nentin’ireo Grika sy nihanaka tamin’ny firenena maro nanomboka hatreo amin’ny fanitaram-panjakàn’i Aleksandra Lehibe. Tsikelikely manko dia mety handrava ny fototra iorenan’ny jodaîsma na fivavahana jiosy izany. Ny kendren’ny Bokin’i Bena-Siràka dia ny hiaro ny lova ara-kolotsaina sy ara-pivavahana noraisin’ny firenena tamin’ireo taranaka israelita fahiny. Mba hanampiany an’ireo mpiara-belona aminy hitana ny maha izy azy eo anivon’ny(...)

²Iza moa no mahisa ny fasika eny amoron-dranomasina sy ny teten-dranonorana ary ireo andron’ny mandrakizay?

³Iza moa no mahatakatra ny haavon’ny lanitra sy ny haben’ny tany ary ny halalin’ny ranomasimbe[8]?

⁴Voaary talohan’ny zava-drehetra ny fahendrena; efa hatrizay hatrizay no isian’ny fisainana malina[9].

⁶Iza moa no nanambarana ny foto-pahendrena ary iza no nahalala ny zavatra efany[10]?

⁸Iray ihany no hendry sy mahatahotra indrindra, dia ny Tompo Izay mipetraka eo amin’ny sezafiandrianany.

⁹Ny Tompo mihitsy no nahary ny fahendrena; Izy no nahita azy sy nanombantombana ny lanjany sady nandrotsaka azy tamin’ny asany rehetra[11],

¹⁰dia tamin’ny olona rehetra araka ny halalaham-pony; ary nomeny betsaka an’izany ireo tia Azy Tompo[12]. Ny fanajana ny Tompo

¹¹Ny fanajana ny Tompo dia voninahitra ireharehana ary koa fehiloha ifalifaliana sy iravoravoana.

¹²Ny fanajana ny Tompo dia mahamirana ny fo, mahafaly sy mahasariaka ary manome andro lava[13].

¹³Izay manaja ny Tompo no ho tsara fiafara ary hotahîna izy amin’ny andro hahafatesany.

¹⁴Ny fiandoham-pahendrena dia ny manaja ny Tompo; ho an’ireo mpivavaka, dia hatrany an-kibon-dreny no miara-miforona amin’ny tenany ny fahendrena[14].

¹⁵Nanorina fonenana mandrakizay teo amin’ny olona izy ary mendrika hitokiana eo amin’ny taranak’ireo.

¹⁶Ny hafenoam-pahendrena dia ny manaja ny Tompo. Vokisan’ny fahendrena amin’ireo vokany ny olona;

¹⁷fenoiny izay irîn’ny olona ny tranony manontolo, ataony ampoky ny vokany ny sompitra fitehirizany.

¹⁸Ny fehiloham-pahendrena dia ny fanajana ny Tompo, izay mampahavokatra fiadanana sy fahasalamana tsara[15].

¹⁹[16] Atosaky ny fahendrena toa ranonorana ny fahaizana amam-pahalalana ho an’ny saina; asondrony voninahitra ireo manana azy.

²⁰Ny foto-pahendrena dia ny manaja ny Tompo ary ny sampany dia ny andro lava iainana[17]. Fahari-po sy fifehezan-tena

²²Tsy azo omen-drariny velively ny hatezerana tsy ara-drariny; fa ny fisafoakan’ny olon-tezitra toy izany dia mitarika azy amin’ny fahaverezana[18].

²³Hatramin’ny fotoana mety no hiandrasan’ny mahari-po. ka haverina aminy indray avy eo ny hafaliana.

²⁴Hatramin’ny fotoana mety no hitanany mangina ny heviny; ka ho tantarain’ny besinimaro ny fahamalinany. Fahendrena sy hitsim-po

²⁵Anisan’ny raki-pahendrena ireo ohabolana vokatry ny fahaizana; fa ny fanajana an’Andriamanitra kosa dia maharikoriko ny mpanota.

²⁶Ianao izay maniry ny fahendrena, tandremo ny didin’Andriamanitra, dia omen’ny Tompo anao izany.

²⁷Ny fahendrena amam-pahalalana manko dia ny fanajana an’Andriamanitra; ary ny zavatra mahafinaritra Azy dia ny toetra mahatoky sy ny halemem-panahy.

²⁸Aza mandà ny fanajana ny Tompo, ary aza fo miefitrefitra no anatonanao Azy.

²⁹Aza mihatsaravelatsihy eo imason’ny olona, fa tandremo ny teny avoakanao.

³⁰Aza manandra-tena ianao fandrao miongana, ka hitarika henatra ho an’ny tenanao; fa ny Tompo hanambara ny zavatra afeninao ka hampietry anao eo afovoan’ny fivoriam-bahoaka, noho ianao tsy niroso tamin’ny fanajana ny Tompo ary satria feno fihatsarambelatsihy ny fonao.