Read Dikateny Iombonana Eto Madagasikara Bena-Siràka 11 Bible Online

Bena-Siràka 11 - Dikateny Iombonana Eto Madagasikara bible

Bena-Siràka 11

¹Ny fahendren’ny olona manetry tena no hahazoany mampitraka ny lohany ary koa hahafahany mipetraka eo ampovoan’ireo lehibe[92]. Aza mijery ny ivelany fotsiny

²Aza mandodoka olona noho ny hatsaran-tarehiny; ary aza marikoriko olona noho ny amin’ny endriny.

³Bitika ny renitantely raha miohatra amin’ny voro-manidina; nefa ny zavatra vokariny no lohalaharana amin’ny zava-mamy.

⁴Aza mirehareha amin’izay fitafiana entinao ary aza manandra-tena amin’ny androm-boninahitra; satria ny asan’ny Tompo no mahagaga, saingy takona amin’ny olombelona izany.

⁵Maro ny mpanjakazaka tafapetraka ambany; fa izay tsy nohevitreverin’ny olona kosa no nitondra ny satroboninahitr’izy ireo.

⁶Maro ny manampahefana no tototry ny fanalàm-baràka, ary maro ny olona malaza no voatolotra hanompo ny hafa[93].

⁷Aza manome tsiny olona, raha tsy efa namotopototra; mandiniha aloha ianao, vao izay no mananatra.

⁸Aza mamaly na inona na inona, raha tsy efa nihaino; ary aza miloa-bava hiteny, raha mbola misy mandahatra.

⁹Aza mifanditra amin’izay zavatra tsy momba anao, ary aza mitsabaka amin’ny adiadin’ny samy mpila vaniny. Ny fanampian’Andriamanitra no tena mandaitra

¹⁰Anaka, aoka ny zavatra indray ataonao tsy ho maro loatra; fa raha maro sahanina ianao, dia tsy hilaozam-pahavoazana. Na dia hihazakazaka aza ianao, dia tsy hisy zavatra ho tratranao; tsy izay firotorotoana etsy sy eroa no hahatafavoaka ny ezakao.

¹¹Misy mifofotra sy misasatra ary miasa haingana, kanefa vao mainka mihamahantra bebe kokoa[94].

¹²Misy ny tsy manan-kery sady tsy mana-piahy, tsy ampy tanjaka, ary be fahantrana; fa ny Tompo kosa nitsinjo azy mba hanasoa azy, ary nanala azy tamin’ny toetra nanetrena azy:

¹³ny Tompo tokoa no nampitraka loha azy, ka maro no gaga ny amin’izany.

¹⁴Na zava-tsoa na zava-dratsy, na fahafatesana na fiainana, na fahantrana na fananan-karena, dia samy avy amin’ny Tompo avokoa[95].

¹⁷Ny fahalalahan-tanan’ny Tompo dia azo antoka ho an’ireo olona tia vavaka; ary ny hatsaram-pony no hitarika azy amin’ny lalam-pahombiazana hatrany.

¹⁸Misy manan-karena noho ny fikajiana amam-pitsitsiana, kanefa izao no tamby ho azony amin’izany:

¹⁹Izy manao anakampo hoe: «Nahazo fitsaharana aho, ka afaka hanaram-po amin’ny fananako ankehitriny», dia tsy mahalala akory izay handalovan’ny fotoana ka hamelany ny hareny ho an’ny hafa sy hahafatesany[96]. Hain’ny Tompo ny manova ny toe-javatra

²⁰Aoka hifikiranao sy hifantohanao ny andraikitrao; ka ho ao anatin’izany asanao izany anie no hianteranao[97]!

²¹Aza gaga amin’ny asa fanaon’ny mpanota ianao; matokia ny Tompo ary mahareta amin’ny raharahanao, fa zavatra mora foana eo imason’ny Tompo ny mampanankarena tampoka eo no ho eo ny mahantra[98].

²²Ny fitahian’ny Tompo no valisoa ho an’ny olona tia vavaka; ary ao anatin’ny fotoana haingana dia hody ventiny ny zava-nandrandrainy.

²³Aza manao hoe: «Inona indray moa no mbola ilaiko? ary inona no soa mbola mety ho azoko amin’ny ho avy?»

²⁴Aza manao koa hoe: «Efa manana ny ampy aho; ka loza inona indray no mbola hiaretako amin’ny ho avy[99]?»

²⁵Amin’ny andro fahasoavana, dia hadino ny zava-dratsy; ary amin’ny andro faharatsiana, dia hadino ny zava-tsoa.

²⁶Mora ho an’ny Tompo manko amin’ny andro ahafatesana ny mamaly ny olona araka ny lalana nizorany avy.

²⁷Ny ora fijaliana dia mampanadino ny fifaliana lasa; ary ny fiafaran’ny olona no hampiharihary ny asany.

²⁸Alohan’ny fahafatesany, aza manao olona ho sambatra; amin’ny fahafatesany manko no ahafantarana ny olona. Mahaiza mifidy ny olona ifandraisana

²⁹Aoka tsy izao olona isan-karazany izao dia hampidirinao ho ao an-tranonao avokoa, fa maro ny fandrika ataon’ny mpamitaka!

³⁰Ny fon’ny mpiavonavona dia toa tsipoy voatana sambobelona anaty trano mifefy; sahala amin’ny mpitsikilo izy mikendry ny fianjerànao[100].

³¹Amin’ny fanovàna ny zava-tsoa ho zava-dratsy no anaovan’ny mpiavonavona vela-pandrika; ary ny fihetsika madio no asiany pentina[101].

³²Ny pitik’afo iray mahatonga vainafo miredareda; ary ny mpanota iray no mampihanaka ny ra latsaka.

³³Tandremo ny mpanao ratsy, fa mamorona teti-dratsy izy ka sao ianao hataony manan-tsiny mandrakizay[102].

³⁴Raha vahiny no ampiantranoinao, dia mety hampisavorovoro anao izy ary hampiady ny ankohonanao aminao.