Read Dikateny Iombonana Eto Madagasikara Bena-Siràka 20 Bible Online

Bena-Siràka 20 - Dikateny Iombonana Eto Madagasikara bible

Bena-Siràka 20

¹Fotoana hitenenana sy fotoana hanginana Misy anatra tsy tandrifin’ny tokony hanaovana azy; ary misy fanginana izay maneho fahamalinana.

²Aleo mananatra toy izay mirehi-pahatezerana anaty;

³ary izay miaiky heloka no hidifiam-pahavoazana.

⁴Lehilahy vositra mitsiriritra hanolan-jazavavy: toy izany ny olona te hampijoro ny rariny an-keriny[179].

⁵Ao ny mangina kanefa iekena azy ho hendry izany; ary ao ny mahasorena noho izy be resadresa-poana[180].

⁶Misy mangina satria tsy mahita havaly; ary misy mangina satria mahalala ny fotoana izay tokony hitenenany.

⁷Ny olon-kendry dia mangina hatrany mandra-pahatongan’ny fotoana fitenenana; fa ny mahery vava sady tsy misaina kosa dia mihoatra izany fotoana fitenenana izany.

⁸Izay be resaka loatra dia mahasosotra; ary izay tsy sahy miteny dia hankahalaina[181]. Toe-javatra toa mifandaka

⁹Misy olona mahita zava-mahasoa azy amin’ny fahoriana; ary ny fanambinana kosa mety tonga fatiantoka ho azy.

¹⁰Misy fanomezanao tsy ahazoanao n’inon’inona; ary misy fanomezanao valiana avo roa heny.

¹¹Misy voninahitra iavian’ny fiambaniana ary misy fietrena miteraka fisandratana.

¹²Misy mividy zavatra betsaka amin’ny vola kely, kanefa avy eo dia mandoa ireny impito heny.

¹³Teny kely dia ampy hitiavan’ny olona ny hendry, fa very maina kosa ny teny malefaka ataon’ireo adala.

¹⁴Tsy ahazoanao n’inon’inona ny fanomezan’olona adala, satria miandrandra bebe kokoa izy ho setrin’izany[182].

¹⁵Kely fanome zavatra ny olona adala saingy be fanomezan-tsiny erỳ ary miloa-bava toy ny mpiantso kabary; anio izy mampindrana, rahampitso izy mitaky: maharikoriko tokoa ny olona toy izany.

¹⁶Hoy ny olona adala hoe: «Tsy manan-tsakaiza aho, ary tsy sitraky ny olona ny soa nataoko; ratsy vava ireo mihinana ny mofo arosoko.»

¹⁷Betsaka sady matetika ny olona no manao azy ho fihomehezana[183]. Fadio ny teny tsy voahevitra

¹⁸Aleo lavo amin’ny lampivato toy izay solafa-piteny; ho tonga tampoka toy izany koa ny fahalavoan’ny olon-dratsy.

¹⁹Ny olona tsy mahalala fomba dia toy ny tantara fitatitra na amin’ny fotoana tsy fanaovana azy aza sady tsy afaka am-bavan’ireo ratsy taiza.

²⁰Tsy raisin’ny olona ny fanoharana aloaky ny vavan’izay adala, satria tsy amin’ny fotoana sahaza no mba ilazalazany an’izany[184].

²¹Misy olona tsy afa-manota, noho ny tsy fananany; ary amin’ny fitsaharany, dia tsy arahi-nenina izy.

²²Misy olona resin-kenamaso, ka very fanahy miatrika adala.

²³Misy olona resin-kenamaso very fanahy ka miatrika adala. Misy koa ny resin-kenamaso ka mampanantena be ny sakaizany ary mahatonga azy ho fahavalony noho ny zavatra tsisy fotony.

²⁴Pentina mahamenatra amin’ny olona ny lainga, tsy afaka am-bavan’ireo ratsy taiza izany.

²⁵Aleo mpangalatra toy izay olona fatra-pandainga; kanefa samy faharavana no ho anjaran’izy roa tonta[185].

²⁶Ny fahazàran-dratsin’ny mpandainga dia mitarika fahafaham-baràka; ary ny henatra mihatra aminy dia momba azy hatrany hatrany. Tombontsoa aman’andraikitry ny olon-kendry

²⁷Teny kely ataon’ny hendry dia ampy mba hampitombo ny fanajana azy; ary ny olona mahira-tsaina dia hahazo sitraka amin’ny lehibe.

²⁸Izay miasa tsara ny taniny dia hanangom-bary be miavosa; ary izay mahazo sitraka amin’ny lehibe dia afaka hampamela ny heloky ny hafa.

²⁹Fanatitra amam-panomezana no mahajamba maso ny hendry; mova tsy fehivavam-biby ireny ka misakana azy tsy hanome anatra[186].

³⁰Fahendrena miafina sy harena milevina: inona no tombontsoa omen’izy roa tonta[187]?

³¹Aleo olona manafina ny hadalàny toy izay olona manafina ny fahendreny[188].