Read Dikateny Iombonana Eto Madagasikara Bena-Siràka 44 Bible Online

Bena-Siràka 44 - Dikateny Iombonana Eto Madagasikara bible

Bena-Siràka 44

¹TONONKALO FANKALAZANA AN’IREO RAZAMBE Izao àry aoka isika hanao fiderana ny olo-malaza, dia ireo razambentsika araka ny fifandimbiasany.

²Ny Tompo efa nanome azy voninahitra lehibe; izy ireo no olona manan-daza indrindra, hatrany amin’ny fahagolan-tany taloha any. Ny olona manan-daza fahiny

³Tao ny mpanjaka nanapaka teo amin’ny fanjakany, sy ny olona nalaza tamin’ny hery nananany, ary ny mpanolotsaina nikoizana tamin’ny fahiratan-tsainy sy ny mpahita fanta-pirenena tamin’ny faminaniany[394].

⁴Tao ny mpitarika vahoaka noho ny fahamalinany sy ny andriana nanam-pahaizana lalina tokoa, ary ny olon-kendry nanao an-tsoratra ny fandinihany sy ny mpanabe mpitandro ny fahalalana.

⁵Tao ny mpamorona hira nasiany feo mahafinaritra sy ny mpanoratra tantara vita tononkalo,

⁶ary ny mpanankarena nombàm-pahefana sady niadam-pinaritra tao an-tranony.

⁷Izy rehetra ireo dia nohajain’ny mpiara-belona taminy ary samy reharehan’ny vaninandro niainany.

⁸Ny sasany tamin’izy ireo no namela anarana, hany ka mbola visavisaina ny fiderana azy.

⁹Ny sasany kosa tsy misy ahatsiarovana azy intsony; fa nony maty izy, dia nanjavona toy ny tsy nisy akory; niaina izy, kanefa nanjary toy ny tsy nateraka akory; ary toy izany koa ny zanany nanaraka azy. Ny razamben’ny Israelita

¹⁰Ireo razambentsika kosa dia olona tia vavaka, hany ka tsy hadino ny hatsaram-panahiny.

¹¹Raikitra ho anjaran’ny taranany ny zava-tsoany; izany no lova nampitainy ho an’ireo zanany.

¹²Maharitra tsy mivadika amin’ny fanekempihavanana ireo taranaka amam-parany noho ny amin’izy ireo.

¹³Koa haharitra mandrakizay ny taranany ary tsy ho levona na oviana na oviana ny voninahiny.

¹⁴Milevina am-piadanana ny fatin’ireo razambentsika; fa ny anarany kosa velona amin’ny taranaka mifandimby.

¹⁵Ny vahoaka hamisavisa ny fahendreny ary ny fiangonana hanambara ny fiderana azy. I Henôka

¹⁶I Henôka dia sitraky ny Tompo ary nafindrany ho eo akaikiny; ka ohatra amin’ny fitodihana amin’ny Tompo izy ho an’ny taranaka mifandimby[395]. I Nôà

¹⁷I Nôà dia hitan’Andriamanitra manana toetra lavorary sady marina. Rehefa nihatra ny fahatezeran’Andriamanitra, dia izy no nanjary solon’ny olombelona fahagola; koa izy no anton’ny namelana ireo olona sisa velona teto an-tany tamin’ny nahatongavan’ny safodrano.

¹⁸Dia nisy fanekempihavanana mandrakizay nataon’Andriamanitra tamin’i Nôà mba tsy handringanana ny miaina rehetra amin’ny safodrano toy izany intsony[396]. I Abrahama

¹⁹I Abrahama dia razambe malaza ho an’ny firenena maro, ary tsy nisy hita ho tahaka azy amin’ny voninahitra[397].

²⁰Nitandrina ny lalànan’ilay Avo Indrindra izy sady nanaovany fanekempihavanana; ka tamin’ny famorana ny nofon’i Abrahama mihitsy no nanamafisany an’izany fanekempihavanana izany. Ary tamin’ny fizahàn’Andriamanitra toetra azy dia hitany ho mahatoky tokoa izy[398].

²¹Noho izany, dia tamim-pianianana mihitsy no nanomezan’Andriamanitra toky azy fa ny taranany no hitahiana ireo firenena; nomeny toky fa hohamaroiny toy ny vovoky ny tany izy ary hasandrany ho avo toy ny kintana ny taranany ka handray ho fananany ny tany anankiray, manomboka amin’ny Ranomasina Maty ka hatrany amin’ny Ranomasina Mediteranea ary manomboka amin’ny ony Eofrata ka hatrany amin’ny faran’ny tany[399]. I Itsehàka sy i Jakôba

²²I Itsehàka koa, noho ny amin’i Abrahama rainy, dia nomen’Andriamanitra toky toy izany. Avy eo dia nankininy tamin’i Jakôba ny fanekempihavanana sy ny fitahiana ny olona rehetra; dia nohamafisiny tamin’ny tsodranony izy sady nomeny ny tany ho fananany; ary notsinjarainy ho an-tokony izany ka tamin’ny foko 12 no nizarany azy[400]. I Mosesy

²³Napoitran’ny Tompo avy amin’ny taranak’i Jakôba ity lehilahy anankiray tia vavaka, dia i Mosesy