Read Dikateny Iombonana Eto Madagasikara Bena-Siràka 49 Bible Online

Bena-Siràka 49 - Dikateny Iombonana Eto Madagasikara bible

Bena-Siràka 49

¹I Jôsià mpanjaka I Jôsià dia tsarovana tahaka ny zavatra mamerovero nataon’ny mpamboatra zava-manitra nampifangaroina. Amin’ny olona rehetra, ny manonona anarana azy dia mamy tahaka ny tantely na koa mandrotsirotsy tahaka ny mozika amin’ny fanasana laroan-divay.

²Nanaraka ny fitondrantena mahitsy i Jôsià ka nampiala ny vahoaka tamin’ny toe-dratsy sy nanafoana ny fanompoan-tsampy maharikoriko.

³Nanitsy ny fony hitodika amin’ny Tompo ity mpanjaka ary nanamafy ny fitiavam-bavaka marina tamin’ny andro fandikana ny lalànan’Andriamanitra. Ireo mpanjaka farany tao Joda sy i Jeremià mpaminany

⁴Afa-tsy i Davida sy i Hezekià ary i Jôsià, dia nampiavosa hadisoana ny mpanjakan’i Joda ary nahafoy ny lalànan’ilay Avo Indrindra ka very tantara[469].

⁵Koa navelan’Andriamanitra ho an’ny hafa ny fahefàn’ireo ary natolony ho an’ny firenena vahiny ny voninahiny.

⁶Nodoran’ireo fahavalo ilay tanàna voafidy izay nisy ny toeramasin’Andriamanitra ary nataony lao ny arabeny[470]

⁷noho ny amin’i Jeremià nampahorîn’ny Israelita. Kanefa hatrany an-kibon-dreniny izy io no voatokan’Andriamanitra ho mpaminany mba hanongotra sy handrava ary handringana sady mba hanorina sy hamboly indray koa[471]. I Ezekiela mpaminany

⁸I Ezekiela no ilay nibanjina ny fahitana be voninahitra izay nisehoan’ny Tompo tambonin’ny kalesin’ireo kerobîma[472].

⁹Dia nofongariny koa ny fahatsiarovana an’i Jôba izay nanaraka ny lalam-pahamarinana[473]. Ireo mpaminany 12 lahy

¹⁰Ny amin’ireo mpaminany 12 lahy kosa, na efa ao am-pasana aza ny taolambalony, dia hampijoro olona handimby azy anie ny Tompo[474]! Nampahery ny taranak’i Jakôba izy ireo ary nanavotra azy tamin’ny toetra mahatoky vokatry ny fanantenana nananany. I Zerobabela sy i Jesoa

¹¹Atao ahoana no fankalaza an’i Zerobabela izay tahaka ny peratra tombokase teo an-tanan-kavanan’ny Tompo[475]?

¹²Toy izany koa i Jesoa zanakalahin’i Jôtsadaky. Fa izy roa lahy ireo tamin’ny androny no nanorina ny tranon’Andriamanitra indray ka nanangana Toeramasina ho an’ny Tompo, dia Toeramasina izay voatendry mba hanam-boninahitra mandrakizay[476]. I Nehemià

¹³Ny amin’i Nehemià koa dia lehibe ny fahatsiarovana azy, satria izy no nanangana indray ny manda efa nianjera sy namboatra indray ny vavahady mbamin’ny hidiny ary nanorina indray ny trano fonenantsika. Ny olo-malaza fahagolan-tany

¹⁴Tsy misy olona tahaka an’i Henôka tamin’ireo noarîn’Andriamanitra teto an-tany, fa izy koa dia nofaohina hiala tamin’ity tany ity[477].

¹⁵Tsy nisy koa lehilahy tahaka an’i Jôsefa izay mpitarika ny rahalahiny sy tohanain’ny vahoakany, hany ka tamim-panajana tokoa no nitahirizana ny taolambalony[478].

¹⁶I Sema sy i Seta dia be voninahitra teo amin’ny olona fa i Adama no ambonin’ny zava-mananaina rehetra tamin’ny zava-boaarin’Andriamanitra[479].