Read Dikateny Iombonana Eto Madagasikara Bena-Siràka 5 Bible Online

Bena-Siràka 5 - Dikateny Iombonana Eto Madagasikara bible

Bena-Siràka 5

¹Fadio ny fitokiana diso toerana Aza miantehitra amin’ny harenao ary aza manao hoe: «Ampy ahy izany!»

²Aza mety hotarihin’ny fironanao mahery vaika mba hanaraka ny fanirian’ny fonao[43].

³Aza manao hoe: «Iza no hanam-pahefana amiko?», satria hiharan’ny sazin’ny Tompo tokoa ianao.

⁴Aza manao hoe: «Efa nanota aho, kanefa tsy nisy zavatra nanjo ahy!», fa mahari-po tokoa ny Tompo[44].

⁵Aza mitoky loatra havela heloka hany ka hanampy ota ny ota.

⁶aza manao hoe: «Be hatsarampo Andriamanitra ka hamela ny heloka maro miavosa!», satria samy ao aminy ny indrafo sy ny hatezerana; ary hianjera amin’ny mpanota ny fahavinirany.

⁷Aza mitaredretra hiverina amin’ny Tompo, ary aza mangataka andro isan’andro izao; satria hipoaka tampoka ny fahatezerany. ka ho levona ianao amin’ny andro famaizany.

⁸Aza miantehitra amin’ny harena azo tsy an-drariny, fa tsy hahefanao na inona na inona ireny amin’izay andro mahory anao[45]. Mitenena amim-pahendrena

⁹Aza ny rivotra rehetra no ikororoham-bary ary aza ny lalana rehetra no andehanana toy ny fanaon’ny mpanota miroa lela[46].

¹⁰Miorena mafy amin’ny fihevitrao, ary aoka ho tokan-teny ianao!

¹¹Aoka hahafaingana anao ny mihaino, fa tsy hahamailaka anao ny mamaly[47]!

¹²Raha manan-kevitra ianao no mamalia ny namanao; fa raha tsy izany kosa, tampeno tanana ny vavanao.

¹³Na ny voninahitra na ny henatra dia samy ao amin’ny resaka atao; ary ny tenin’ny olona ihany no mety hitarika faharavana ho azy[48].

¹⁴Aza mitady laza ho mpanaratsy ary aza mamela-pandrika amin’ny fiteny, satria ny mpangalatra no iantefan’ny henatra ary ny mpiroa lela no iharam-panamelohana mafy,

¹⁵Aza diso na amin’ny zavatra kely na lehibe.