Read Dikateny Iombonana Eto Madagasikara Josoa 12 Bible Online

Josoa 12 - Dikateny Iombonana Eto Madagasikara bible

Josoa 12

¹Mpanjaka roa no efa noresen’ny Israelita tany atsinanan’i Jôrdàna ka nobodoiny ny taniny, nanomboka hatreo amin’ny lohasahan-driaka Arnôna ka hatrany amin’ny tendrombohitra Hermôna, ary mahafaoka ny lohasahan’i Jôrdàna ilany atsinanana.

²Ny voalohany dia i Sihôna, mpanjaka amôrita izay nonina tao Hesbôna: izy no nanjaka tamin’ny antsasaky ny lohasahan-driaka Arnôna hatreo Harôhera no midina, sy tamin’ny antsasaky ny faritany Gilehada tafapaka hatrany amin’ny renirano Jabôka izay sisintanin’ny Hamônita;

³azy koa ny lohasahan’i Jôrdàna ilay atsinanana, manomboka hatreo amin’ny farihin’i Genesareta any avaratra, ka hatrany amin’ny Ranomasina Maty eo akaikin’i Bety-Jesimôta; ary tao atsimo kokoa dia azy ny faritany eo am-pototry ny havoana Pisgà.

⁴Ny faharoa dia i Hôga, iray amin’ireo Refaîta sisa tavela[54]; mpanjakan’i Basàna izy ary nipetraka tao Hastarôta na Edrehỳ.

⁵Ny faritra nanjakan’i Hôga dia ireto avy: ny tendrombohitra Hermôna; i Salà, i Basàna manontolo tafapaka hatrany amin’ny sisin-tanin’ny Gesorita sy Mahekatita[55]; ary farany ny antsasaky ny faritrany Gilehada tafapaka hatrany amin’ny sisin-tanin’i Sihôna, mpanjakan’i Hesbôna.

⁶Resin’i Mosesy sy ny Israelita ry i Sihôna sy i Hôga; ka ny taniny dia nomen’i Mosesy, mpanompon’ny TOMPO, ho lovan’ny fokon’i Reobena sy ny fokon’i Gada ary ny antsasa-pokon’i Manase.

⁷Avy eo i Josoa sy ny Israelita dia nandresy ireo mpanjaka teny an-dafy andrefan’i Jôrdàna, manomboka hatreo Bahala-Gada ao amin’ny lohasahan’i Libano any avaratra ka hatrany amin’ilay tendrombohitra ngazana miakatra ho any Sehira any atsimo. Nozarazarain’i Josoa izany tany izany ho fananan’ireo foko israelita sisa.

⁸Isan’izany ny faritra be tendrombohitra, ny lemak’i Sefelà, ny lohasahan’i Jôrdàna, ny kisolosolo, ary ny taniefitra sy i Negeba any atsimo: ireo faritra ireo dia an’ny Hetita sy Amôrita, an’ny Kanahanita sy Perizita, ary an’ny Hivita sy Jebosita.

⁹Ireto kosa ireo tanàna nisy mpanjaka resy: i Jerikao, i Hay akaikin’i Betela,

¹⁰i Jerosalema, i Hebrôna,

¹¹i Jarmôta, i Lakisy,

¹²i Heglôna, i Gezera,

¹³i Debira, i Gedera,

¹⁴i Hôrmà, i Harada,

¹⁵i Libnà, i Hadolama,

¹⁶i Makedà, i Betela,

¹⁷i Tapoa, i Hefera,

¹⁸i Afeka, i Sarôna,

¹⁹i Madôna, i Hatsôra,

²⁰i Simrôna-Merôna, i Aksafa,

²¹i Tahenàka, i Megidao,

²²i Kedesa, i Jôknehama any Karmela,

²³i Dôra eo amoron-tsiraka, i Gôima any Galilea[56],

²⁴ary i Tiritsà; ka 31 izany no isan’ireo mpanjaka rehetra ireo.