Read Maltese Bible with DC – IL-BIBBJA IL-KOTBA MQADDSA ĠENESI 5 Bible Online

ĠENESI 5 - Maltese Bible with DC – IL-BIBBJA IL-KOTBA MQADDSA bible

ĠENESI 5

¹Dan hu ktieb in-nisel ta’ Adam. Meta ħalaq Alla l-bniedem, fi xbieha ta’ Alla għamlu;

²raġel u mara ħalaqhom. U berikhom u semmiehom bnedmin nhar il-ħolqien tagħhom.

³U Adam kellu mija u tletin sena meta wiled iben fis-sura u x-xbieha tiegħu, u semmieh Set.

⁴U wara li wiled lil Set, Adam għex tmien mitt sena oħra[8], u wiled subien u bniet.

⁵U kienu l-jiem kollha li għex Adam disa’ mija u tletin sena; u mbagħad miet.

⁶U Set kellu mija u ħames snin meta wiled lil Enos.

⁷U wara li wiled lil Enos, Set għex tmien mija u seba’ snin oħra, u wiled subien u bniet.

⁸U kienu l-jiem kollha li għex Set disa’ mija u tnax-il sena; u mbagħad miet.

⁹U Enos kellu disgħin sena meta wiled lil Kenan.

¹⁰U wara li wiled lil Kenan, Enos għex tmien mija u ħmistax-il sena oħra, u wiled subien u bniet.

¹¹U kienu l-jiem kollha li għex Enos disa’ mija u ħames snin; u mbagħad miet.

¹²U Kenan kellu sebgħin sena meta wiled lil Maħalel.

¹³U wara li wiled lil Maħalel, Kenan għex tmien mija u erbgħin sena oħra, u wiled subien u bniet.

¹⁴U kienu l-jiem kollha li għex Kenan disa’ mija u għaxar snin; u mbagħad miet.

¹⁵U Maħlalel kellu ħamsa u sittin sena meta wiled lil Ġared.

¹⁶U wara li wiled lil Ġared, Maħlalel għex tmien mija u tletin oħra, u wiled subien u bniet.

¹⁷U kienu l-jiem kollha li għex Maħlalel tmien mija u ħamsa u disgħin sena; u mbagħad miet.

¹⁸U Ġared kellu mija u tnejn u sittin sena meta wiled lil Ħenok.

¹⁹U wara li wiled lil Ħenok, għex tmien mitt sena oħra, u wiled subien u bniet.

²⁰U kienu l-jiem kollha li għex Ġared disa’ mija u tnejn u sittin sena; u mbagħad miet.

²¹U Ħenok kellu ħamsa u sittin sena meta wiled lil Matusala.

²²U Ħenok kien jimxi ma’ Alla. U wara li wiled lil Matusala għex tliet mitt sena oħra, u wiled subien u bniet.

²³U kienu l-jiem kollha li għex Ħenok tliet mija u ħamsa u sittin sena.

²⁴U Ħenok kien jimxi sewwa ma’ Alla; u ma deherx aktar, għax ħadu Alla.

²⁵U Matusala kellu mija u sebgħa u tmenin sena meta wiled lil Lamek.

²⁶U għex Matusala wara li wiled lil Lamek seba’ mija u tnejn u tmenin sena, u wiled subien u bniet.

²⁷U kienu l-jiem kollha li għex Matusala disa’ mija u disgħa u sittin sena; u mbagħad miet.

²⁸U Lamek kellu mija u tnejn u tmenin sena meta wiled iben.

²⁹U semmieh Noè għax qal: “Dan għad iserraħna mit-taħbit tagħna u mix-xogħol iebes ta’ idejna minħabba l-art misħuta mill-Mulej.”

³⁰U wara li wiled lil Noè għex ħames mija u ħamsa u disgħin sena oħra, u wiled subien u bniet.

³¹U kienu l-jiem kollha li għex Lamek seba’ mija sebgħa u sebgħin sena u mbagħad miet.

³²U Noè kellu ħames mitt sena u wiled lil Sem, lil Ħam u lil Ġafet.