Read Maltese Bible with DC – IL-BIBBJA IL-KOTBA MQADDSA 1 KRONAKI 2 Bible Online

1 KRONAKI 2 - Maltese Bible with DC – IL-BIBBJA IL-KOTBA MQADDSA bible

1 KRONAKI 2

¹Dawn kienu wlied Iżrael: Ruben, Simgħon, Levi, Ġuda, Issakar, Żebulun,

²Dan, Ġużeppi, Benjamin, Naftali, Gad u Aser.

³Ulied Ġuda: Għer, Onan u Sela, it-tlieta twildulu minn bint Sugħa, il-Kangħanija; u Għer, il-kbir ta’ Ġuda, kien ħażin f’għajnejn il-Mulej, u dan qatlu.

⁴U Tamar, mart ibnu, wilditlu lil Pereż u ’l Żeraħ; u hekk ulied Ġuda kienu ħamsa kollox.

⁵Ulied Pereż kienu: Ħesron u Ħamul.

⁶Ulied Żeraħ: Żimri, Etan, Ħeman, Kalkol u Darda: ħamsa kollox.

⁷Ulied Karmi kienu: Għakar, li ġieb l-inkwiet f’Iżrael għax dineb fi ħwejjeġ mogħtija għall-qerda.

⁸Wild Etan: Għażarija …

⁹L-ulied li twieldu lil Ħesron: Ġeraħmijel, Ram, Kelubaj.

¹⁰Ram wiled ’l Għamminadab; Għamminadab wiled lil Naħson, prinċep fost ulied Ġuda;

¹¹u Naħson wiled lil Xalman; Xalman wiled lil Bogħaż;

¹²Bogħaż wiled lil Għobed; Għobed wiled lil Ġesse;

¹³Ġesse wiled lil Elijab, il-kbir tiegħu; lil Abinabad, it-tieni; lil Simgħa, it-tielet;

¹⁴lil Natanjel, ir-raba’; lil Raddaj, il-ħames;

¹⁵lil Osem, is-sitta; lil David, is-seba’.

¹⁶U ħuthom bniet kienu: Seruja u Abigajl. Ulied Seruja kienu: Abisaj, Ġowab u Għaxajel, tlieta kollox.

¹⁷Abigajl wildet lil Għamaxa; missier Għamaxa kien Ġeter, l-Ismagħeli.

¹⁸U Kaleb bin Ħesron wiled minn martu Għażuba lil Ġerigħot; u dawn kienu wliedha: Ġeser, Sobab, u Ardon.

¹⁹U mietet Għażuba u Kaleb ħa b’martu lil Efrat, u din wilditlu lil Ħur.

²⁰U Ħur wiled lil Uri, u Uri wiled lil Besalel.

²¹U wara dan Ħesron resaq lejn bint Makir, missier Gilgħad; iżżewwiġha meta kellu sittin sena u wilditlu lil Xegub.

²²U Xegub wiled lil Ġajir, u dan kellu tlieta u għoxrin belt f’Gilgħad.

²³Imma Gesur u Aram ħadulhom minn taħt idejhom lil Ħawwot-ġajjir, Kenat u l-ibliet tagħha: sittin belt. Dawn kollha kienu wlied Makir, missier Gilgħad.

²⁴U meta miet Ħesron, Kaleb resaq lejn Efrat, mart Ħesron missieru, u wilditlu lil Asħur, missier Tekugħa.

²⁵Ulied Ġeraħmijel, il-kbir ta’ Ħesron: Ram, il-kbir; Buna, Oren, Osem, u Aħija.

²⁶Ġeraħmijel kellu mara oħra jisimha Għatara, li kienet omm Onam.

²⁷Ulied Ram, il-kbir ta’ Ġeraħmijel, kienu: Magħas, Ġamin, Għeker.

²⁸U wlied Onam kienu: Sammaj u Ġada; u wlied Sammaj kienu: Nadab u Abisur.

²⁹U l-mara ta’ Abisur kien jisimha Abiħajil, u wilditlu lil Aħban, u lil Molid.

³⁰U wlied Nadab: Seled u Affajim. Seled miet bla tfal.

³¹U wlied Affajim: Isgħi. Ulied Isgħi: Sesan. Ulied Sesan: Aħlaj.

³²U wlied Ġada, ħu Sammaj: Ġeter u Ġonatan; u Ġeter miet bla tfal.

³³U wlied Ġonatan: Pelet u Żaża. Dawn kienu wlied Ġeraħmijel.

³⁴Sesan ma kellux subien, imma bniet biss. Sesan kellu lsir Eġizzjan li kienu jismu Ġarħa.

³⁵U Sesan ta lil Ġarħa, l-ilsir tiegħu, lil bintu b’martu, u wilditlu lil Għattaj.

³⁶U Għattaj wiled lil Natan, u Natan wiled lil Żabad.

³⁷U Żabad wiled lil Eflal; u Eflal wiled lil Għobed.

³⁸U Għobed wiled lil Ġeħu, u Ġeħu wiled lil Għażarija.

³⁹U Għażarija wiled lil Ħeles, u Ħeles wiled lil Elgħaxa.

⁴⁰U Elgħaxa wiled lil Sismaj, u Sismaj wiled lil Sallum.

⁴¹U Sallum wiled lil Ġekamija, u Ġekamija wiled lil Elisama.

⁴²U wlied Kaleb, ħu Ġeraħmijel: Maresa, il-kbir tiegħu, li kien missier Żif. U wlied Maresa, missier Ħebron.

⁴³Ulied Ħebron kienu: Koraħ u Taffuħa, Rekem u Sema.

⁴⁴Sema wiled lil Raħam, missier Ġorkegħam; u Rekem wiled lil Sammaj.

⁴⁵U bin Sammaj: Magħon; u Magħon kien missier Betsur.

⁴⁶U Għefa, konkubina ta’ Kaleb, wildet lil Ħaran, u lil Mosa, u lil Gażeż; u Ħaran wiled lil Gażeż.

⁴⁷U wlied Ġaħdaj: Regem, Ġotam, Gesan, Pelet, Għefa u Sagħaf.

⁴⁸Magħka, konkubina ta’ Kaleb, wildet lil Seber u lil Tirħana,

⁴⁹u wildet ukoll lil Sagħaf, missier Madmanna; lil Sewa, missier Makbena; u lil missier Gibgħa; u bint Kaleb kienet Għaksa.

⁵⁰Dawn kienu wlied Kaleb. Ulied Ħur, il-kbir ta’ Efrata: Sobal, missier Kirjat-ġegħarim;

⁵¹Salma, missier Betlehem; Ħaref, missier Bet-gader.

⁵²U wlied Sobal, missier Kirjat-ġegħarim, kienu: Ħarwe, nofs il-Manaħtin.

⁵³U l-familji ta’ Kirjat-ġegħarim, kienu: il-Ġetrin, il-Putin u s-Sumatin, u l-Misragħin. Minn dawn ħarġu s-Sorgħatin u l-Estawlin.

⁵⁴Ulied Xalmon: Betlehem u Netufin, Għatrot-bet-ġowab, u nofs il-Manaħtin, u s-Sorgħin.

⁵⁵U l-familji ta’ Soferim li kienu jgħammru f’Ġabes: Tirgħatin, Simgħatin u Sukatin. Dawn kienu l-Kenin, li tnisslu minn Ħamat, missier id-dar ta’ Rekab.