Read Maltese Bible with DC – IL-BIBBJA IL-KOTBA MQADDSA ESDRA 2 Bible Online

ESDRA 2 - Maltese Bible with DC – IL-BIBBJA IL-KOTBA MQADDSA bible

ESDRA 2

¹Dawn huma n-nies[2] tal-provinċja li telgħu mill-jasar tal-eżilju. Nabukodonosor, sultan ta’ Babilonja, kien eżiljahom fil-Babilonja; huma reġgħu lura Ġerusalemm u Ġuda, kulħadd lejn il-belt tiegħu.

²Dawn ġew ma’ Żerubbabel, Ġożwè, Neħemija, Xeraja, Regħlaja, Mordekaj, Bilsan, Misfar, Bigwaj, Reħum, u Bagħana. L-għadd tan-nies ta’ Iżrael li reġgħu lura kien hekk:

³Ulied Pargħos kienu elfejn, mija u tnejn u sebgħin;

⁴ulied Sefatija, tliet mija u tnejn u sebgħin;

⁵ulied Araħ, seba’ mija u ħamsa u sebgħin;

⁶ulied Paħat-mowab, jiġifieri ulied Ġożwè u Ġowab, elfejn, tmien mija u tnax;

⁷ulied Għalam, elf, mitejn u erbgħa u ħamsin;

⁸ulied Żattu, disa’ mija u ħamsa u erbgħin;

⁹ulied Żakkaj, seba’ mija u sittin;

¹⁰ulied Bani, sitt mija u tnejn u erbgħin;

¹¹ulied Bebaj, sitt mija u tlieta u għoxrin;

¹²ulied Għażgad, elf, mitejn u tnejn u għoxrin;

¹³ulied Adonikam sitt mija u sitta u sittin;

¹⁴ulied Bigwaj, elfejn, sitta u ħamsin;

¹⁵ulied Għadin, erba’ mija u erbgħa u ħamsin;

¹⁶ulied Ater, jiġifieri ulied Ħeżekija, tmienja u disgħin;

¹⁷ulied Besaj, tliet mija u tlieta u għoxrin;

¹⁸ulied Ġoraħ, mija u tnax;

¹⁹ulied Ħasum, mitejn u tlieta u għoxrin;

²⁰ulied Gibbar, ħamsa u disgħin;

²¹ulied Betlehem kienu mija u tlieta u għoxrin;

²²in-nies ta’ Netufa, sitta u ħamsin,

²³in-nies ta’ Għanatot, mija u tmienja u għoxrin;

²⁴ulied Bet-għażmawet, tnejn u erbgħin;

²⁵ulied Kirjat-ġegħarim, Kefira u Birot, seba’ mija u tlieta u erbgħin;

²⁶ulied Rama u Geba, sitt mija u wieħed u għoxrin;

²⁷in-nies ta’ Mikmas, mija u tnejn u għoxrin,

²⁸in-nies ta’ Betel u Għaj, mitejn u tlieta u għoxrin;

²⁹ulied Nebu kienu tnejn u ħamsin;

³⁰ulied Magbis, mija u sitta u ħamsin;

³¹ulied Għelam l-ieħor, elf, mitejn u erbgħa u ħamsin;

³²ulied Ħarim, tliet mija u għoxrin;

³³ulied Lod, Ħadid u Onu, seba’ mija u ħamsa u għoxrin;

³⁴ulied Ġeriko, tliet mija u ħamsa u erbgħin;

³⁵ulied Sena kienu tlitt elef, sitt mija u tletin.

³⁶Il-qassisin: ulied Ġedajja, mid-dar ta’ Ġożwè, kienu disa’ mija u tlieta u sebgħin;

³⁷ulied Immer, elf u tnejn u ħamsin;

³⁸ulied Pashur, elf, mitejn u sebgħa u erbgħin;

³⁹ulied Ħarim, elf u sbatax.

⁴⁰Il-Leviti: ulied Ġożwè u Kadmijel, ulied Ħodawija, kienu erbgħa u sebgħin.

⁴¹Il-kantanti: ulied Asaf kienu mija u tmienja u għoxrin.

⁴²Il-purtinara tat-tempju: ulied Sallum, ulied Ater, ulied Talmon, ulied Għakkub, ulied Ħatita, ulied Sobaj, ilkoll flimkien kienu jgħoddu mija u disgħa u tletin.

⁴³L-ilsiera tat-tempju[3]: ulied Siħa, ulied Ħaxufa, ulied Tabgħot,

⁴⁴ulied Keros, ulied Sigħaħa, ulied Padon,

⁴⁵ulied Lebana, ulied Ħagaba, ulied Għakkub,

⁴⁶ulied Ħagab, ulied Salmaj, ulied Ħanan,

⁴⁷ulied Giddel, ulied Gaħar, ulied Raja,

⁴⁸ulied Resin, ulied Nekoda, ulied Ġażżim,

⁴⁹ulied Għużża, ulied Paseħa, ulied Besaj,

⁵⁰ulied Asna, ulied Megħunim, ulied Nefusin,

⁵¹ulied Bakbuk, ulied Ħakufa, ulied Ħarħur,

⁵²ulied Baslut, ulied Meħida, ulied Ħarsa,

⁵³ulied Barkos, ulied Sisera, ulied Tamaħ,

⁵⁴ulied Nesijaħ, ulied Ħatifa.

⁵⁵Ulied il-qaddejja ta’ Salamun: ulied Sotaj, ulied Ħassoferet, ulied Peruda,

⁵⁶ulied Ġagħala, ulied Darkon, ulied Giddel;

⁵⁷ulied Sefatija, ulied Ħattil, ulied Pokret-ħasbajim, ulied Ami.

⁵⁸L-ilsiera tat-tempju u wlied il-qaddejja ta’ Salamun ilkoll flimkien kienu jġibu tliet mija u tnejn u disgħin.

⁵⁹Kien hemm dawk li telgħu minn Tel-melaħ, Tel-ħarsa, Kerub, Addan, u Immer, mingħajr ma setgħu jgħidu liema kienet dar missierhom u x’kien in-nisel tagħhom, jekk kinux minn Iżrael jew le.

⁶⁰Dawn kienu: ulied Delaja, ulied Tobija, u wlied Nekoda, b’kollox sitt mija u tnejn u ħamsin.

⁶¹Minn ulied il-qassisin kien hemm ulied Ħabajja, ulied Ħakkos, ulied Barżillaj, li kien ħa b’martu waħda mill-bniet ta’ Barżillaj il-Gilgħadi, u beda jissejjaħ b’isimhom.

⁶²Dawn fittxew isimhom fir-reġistri tal-arblu tar-razza, imma ma sabuhx; għalhekk ġew imneħħija minn mal-qassisin għax imniġġsa.

⁶³U l-gvernatur qalilhom biex ma jiklux mill-ikel qaddis sa ma jkun hemm qassis li jikkonsulta lil Alla bl-Urim u t-Tummim[4].

⁶⁴Il-ġemgħa kollha f’daqqa kienet ta’ tnejn u erbgħin elf, tliet mija u sittin ruħ.

⁶⁵Dawn barra l-qaddejja tagħhom, irġiel u nisa, li kienu sebat elef, tliet mija u sebgħa u tletin, u barra l-kantanti tagħhom, irġiel u nisa, li kienu mitejn.

⁶⁶Iż-żwiemel tagħhom kienu jgħoddu seba’ mija u sitta u tletin; il-bgħula tagħhom, mitejn u ħamsa u erbgħin;

⁶⁷l-iġmla tagħhom, erba’ mija u ħamsa u tletin; u l-ħmir tagħhom sitt elef, seba’ mija u għoxrin.

⁶⁸U meta xi wħud mill-kapijiet tal-familji waslu ħdejn it-tempju tal-Mulej f’Ġerusalemm, minn rajhom għamlu offerti lit-tempju ta’ Alla ħalli jerġa’ jitla’ fil-post fejn kien qabel.

⁶⁹Skont ma kienu jistgħu, taw lit-teżor li kienu qegħdin jiġbru għall-bini, wieħed u sittin elf darik tad-deheb, ħamest elef mina tal-fidda, u mitt libsa tal-qassisin.

⁷⁰U l-qassisin, il-Leviti u biċċa mill-poplu, qagħdu Ġerusalemm, imma l-kantanti, il-purtinara tat-tempju, u l-ilsiera tat-tempju, marru joqogħdu fl-ibliet tagħhom. L-Iżraelin kollha marru joqogħdu fl-ibliet tagħhom.