Read Maltese Bible with DC – IL-BIBBJA IL-KOTBA MQADDSA NEĦEMIJA 12 Bible Online

NEĦEMIJA 12 - Maltese Bible with DC – IL-BIBBJA IL-KOTBA MQADDSA bible

NEĦEMIJA 12

¹Dawn huma l-qassisin u l-Leviti li telgħu mill-eżilju ma’ Żerubbabel bin Sijaltijel, u Ġożwè: Xeraja, Ġeremija, Esdra,

²Amarija, Malluk, Ħattus,

³Sekanija, Reħum, Meremot,

⁴Għiddu, Ginnetoj, Abija,

⁵Mijjamin, Magħdija, Bilga,

⁶Semajja, Ġojarib, Ġedajja,

⁷Sallu, Għamok, Ħilkija, u Ġedajja. Dawn kienu l-kapijiet tal-qassisin u ħuthom fi żmien Ġożwè.

⁸Il-Leviti kienu: Ġożwè, Binnuwi, Kadmijel, Serebija, Ġuda, Mattanija li flimkien ma’ ħutu kien imexxi l-kant tal-innijiet;

⁹ħuthom Bakbukija u Għunni kienu joqogħdu f’taqsimiet biswit tagħhom.

¹⁰Ġożwè wiled lil Ġojakim; Ġojakim wiled lil Eljasib; Eljasib wiled lil Ġojada;

¹¹Ġojada wiled lil Ġonatan; Ġonatan wiled lil Gaddugħa.

¹²Fi żmien Ġojakim, il-qassisin kapijiet tal-familji kienu: Meraja, kien il-kap tal-familja ta’ Xeraja; tal-familja ta’ Ġeremija kien Ħananija;

¹³tal-familja ta’ Esdra, Mesullam; tal-familja ta’ Aramija, Ġeħoħanan;

¹⁴tal-familja ta’ Meliki, Ġonatan; tal-familja ta’ Sebanija, Ġużeppi;

¹⁵tal-familja ta’ Ħarim, Għadna; tal-familja ta’ Merajot, Ħalkaj;

¹⁶tal-familja ta’ Għiddu, Żakkarija; tal-familja ta’ Ginneton, Mesullam;

¹⁷tal-familja ta’ Abija, Żikri; tal-familja ta’ Mijjamin[10] …; tal-familja ta’ Mogħadija, Peltaj;

¹⁸tal-familja ta’ Bilga, Sammugħa; tal-familja ta’ Semmajja, Ġeħonatan;

¹⁹tal-familja ta’ Ġeħojarib, Mattenaj; tal-familja ta’ Ġedajja, Għużżi;

²⁰tal-familja ta’ Sallaj, Kallaj; tal-familja ta’ Għamok, Għeber;

²¹tal-familja ta’ Ħilkija, Ħasabija; tal-familja ta’ Ġedajja, Netanjel.

²²Fi żmien Eljasib, Ġojada, Ġoħanan, u Gaddugħa, il-Leviti kienu ġew irreġistrati bħala kapijiet tal-familji, filwaqt li l-qassisin kienu ġew irreġistrati sa żmien Darju, sultan tal-Persja.

²³Il-Leviti, kapijiet tal-familji, kienu ġew irreġistrati fil-Ktieb tal-Kronaki sa żmien Ġoħanan bin Eljasib.

²⁴Il-kapijiet tal-Leviti kienu: Ħasabija, Serebija, Ġożwè, Binnuwi, Kadmijel, u ħuthom li kienu joqogħdu biswit tagħhom, ġemgħa daqs oħra, biex ifaħħru u jiżżu ħajr skont ma kien ordna David, il-qaddej ta’ Alla.

²⁵Mattanija, Bakbukija, Għobadija, Mesullam, Talmon, Għakkub, kienu joqogħdu mal-bibien għassa tal-imħażen ta’ ħdejn il-bibien.

²⁶Dawn kienu jgħixu fi żmien Ġojakim bin Ġożwè, bin Ġosadaj, u fi żmien Neħemija, il-gvernatur, u Esdra, il-qassis u skriba.

²⁷Għad-dedikazzjoni tas-swar ta’ Ġerusalemm fittxew kullimkien għal-Leviti u ġabuhom Ġerusalemm biex jiċċelebraw id-dedikazzjoni bil-ferħ, b’tifħir, b’għana, u b’daqq taċ-ċimbali, tal-arpi u taċ-ċetri.

²⁸Inġabru wkoll il-kantanti mill-inħawi ta’ madwar Ġerusalemm, mill-irħula tan-Netufin,

²⁹minn Bet-gilgal, u mill-inħawi ta’ Geba u Għażmawet, għax il-kantanti kienu bnew għalihom għadd ta’ rħula madwar Ġerusalemm.

³⁰U l-qassisin u l-Leviti ppurifikaw irwieħhom, u mbagħad ippurifikaw il-poplu, id-daħliet, u s-swar.

³¹Imbagħad jien tellajt fuq is-swar il-kbarat ta’ Ġuda. Waqqaft ukoll żewġ korijiet kbar, u wieħed minnhom mexa lejn il-lemin fuq is-swar, lejn Bieb id-Demel.

³²Warajhom imxew Ħosajja u nofs il-kbarat ta’ Ġuda,

³³Għażarija, Esdra, Mesullam,

³⁴Ġuda, Benjamin, Semajja, Ġeremija,

³⁵u wħud mill-qassisin bit-trumbetti. Żakkarija bin Ġonatan, bin Semajja, bin Mattanija, bin Mikija, bin Żakkur, bin Asaf,

³⁶u ħutu Semajja, Għażarel, Milalaj, Gilalaj, Magħaj, Netanjel, Ġuda, u Ħanani, imxew bl-istrumenti tad-daqq ta’ David, il-bniedem ta’ Alla. Quddiemhom mexa Esdra l-iskriba.

³⁷F’Bieb il-Għajn telgħu t-taraġ ta’ quddiemhom għall-belt ta’ David fejn jogħla l-ħajt, għaddew il-Palazz ta’ David, u waslu f’Bieb l-Ilma n-naħa tal-Lvant.

³⁸It-tieni kor mexa lejn ix-xellug; jien kont fuq wara. Nofs il-poplu mexa fuq is-swar mit-Torri tal-Ifran lejn il-Ħajt il-Wiesa’,

³⁹għaddew minn fuq Bieb Efrajm, Bieb Ġesena, Bieb il-Ħut, it-Torri ta’ Ħananel, it-Torri tal-Mija, sa Bieb in-Nagħaġ, u waqfu f’Bieb il-Għassa.

⁴⁰Imbagħad iż-żewġ korijiet waqfu fit-tempju ta’ Alla; jien kont hemm ukoll flimkien ma’ nofs l-uffiċjali tal-poplu.

⁴¹Kienu hemm ukoll bit-trumbetti l-qassisin Eljakim, Magħxija, Minjamin, Mikija, Elijugħenaj, Żakkarija, u Ħananija.

⁴²Kien hemm ukoll Magħxija, Semajja, Elgħażar, Għużżi, Ġeħoħanan, Malkija, Għelam, u Għeżer. Il-kantanti kantaw b’leħen sod taħt it-tmexxija ta’ Ġeżraħija.

⁴³Dakinhar il-poplu offra sagrifiċċji kbar, u kulħadd kien ferħan għax Alla kien imliehom b’ferħ kbir. Ferħu wkoll in-nisa tagħhom u wliedhom, u l-għajjat ta’ ferħ f’Ġerusalemm kien jinstema’ mill-bogħod.

⁴⁴Dakinhar ġew maħtura xi wħud biex jieħdu ħsieb il-kmamar tat-teżor, tal-offerti, tal-frott tal-bikri, u tal-għexur, u biex jiġbru fihom mill-għelieqi ta’ madwar l-ibliet is-sehem li kien imiss lill-qassisin u lil-Leviti skont il-Liġi. Għax il-Lhud kienu ferħanin li kien hemm mill-ġdid qassisin u Leviti,

⁴⁵li flimkien mal-kantanti u mal-purtinara kienu jieħdu ħsieb il-kult ta’ Alla tagħhom u r-riti tal-purifikazzjoni skont kif kienu ordnawlhom David u ibnu Salamun.

⁴⁶Mill-qedem, minn żmien David u Asaf, il-kantanti kellhom il-kapijiet tagħhom, u kienu jkantaw għana ta’ tifħir u ta’ radd il-ħajr lil Alla.

⁴⁷U fi żmien Żerubbabel u fi żmien Neħemija Iżrael kollu, jum wara ieħor, kien jagħti sehem minn ġidu lill-kantanti u lill-purtinara. Kienu jagħtu wkoll il-partijiet ikkonsagrati lil-Leviti, u l-Leviti kienu jagħtuhom lil ulied Aron.