Read Maltese Bible with DC – IL-BIBBJA IL-KOTBA MQADDSA NEĦEMIJA 7 Bible Online

NEĦEMIJA 7 - Maltese Bible with DC – IL-BIBBJA IL-KOTBA MQADDSA bible

NEĦEMIJA 7

¹Meta konna bnejna s-swar, jien kont qegħedt il-bibien u ħtart il-purtinara, il-kantanti u l-Leviti.

²Biex jamministraw lil Ġerusalemm, qegħedt lil ħija Ħanani u lill-kap tal-fortizza Ħananija, billi dan kien jidher raġel ta’ kelmtu u jibża’ minn Alla iktar minn ħafna oħrajn.

³U għedtilhom: “Ma jinfetħux il-bibien ta’ Ġerusalemm qabel ma tibda tisreġ ix-xemx, u malli tieqaf is-sħana l-bibien żommuhom magħluqa u sakkruhom bl-istaneg. Għases qiegħdu ’l dawk li joqogħdu Ġerusalemm; qiegħdu ’l kull wieħed fil-post fejn għandu joqgħod għassa, kulħadd quddiem id-dar tiegħu.”

⁴Il-belt kienet kbira u l-medda tagħha kienet ġmielha, imma n-nies li kienu jgħixu fiha kienu ftit, u djar mibnija ma kienx hemm.

⁵Alla mbagħad nebbaħni, u jien ġbart il-kbarat, l-uffiċjali, u l-poplu, biex nagħmlilhom ċensiment skont l-arblu tar-razza, u sibt il-ktieb taċ-ċensiment ta’ dawk li kienu telgħu qabel mill-eżilju. Fih sibt miktub hekk:

⁶“Dawn huma n-nies tal-provinċja li telgħu mill-jasar tal-eżilju fejn kien ħadhom Nabukodonosor, sultan ta’ Babilonja; huma reġgħu lura f’Ġerusalemm u f’Ġuda, kull wieħed minnhom reġa’ lura f’beltu.

⁷Dawn ġew lura ma’ Żerubbabel, Ġożwè, Neħemija, Għażarija, Ragħamija, Naħamani, Mardokaj, Bilsan, Misferet, Bigwaj, Neħum, u Bagħna. In-numru tal-irġiel tal-poplu ta’ Iżrael kien dan;

⁸ulied Pargħos kienu elfejn, mija u tnejn u sebgħin;

⁹ulied Sefatija, tliet mija u tnejn u sebgħin;

¹⁰ulied Araħ, sitt mija u tnejn u ħamsin;

¹¹ulied Paħat-mowab, jiġifieri ulied Ġożwè u Ġowab, elfejn, tmien mija u tmintax;

¹²ulied Għelam, elf, mitejn u erbgħa u ħamsin;

¹³ulied Żattu, tmien mija u ħamsa u erbgħin;

¹⁴ulied Żakkaj, seba’ mija u sittin;

¹⁵ulied Binnuwi, sitt mija u tmienja u erbgħin;

¹⁶ulied Bebaj, sitt mija u tmienja u għoxrin;

¹⁷ulied Għażgad, elfejn, tliet mija u tnejn u għoxrin;

¹⁸ulied Adonikam, sitt mija u sebgħa u sittin;

¹⁹ulied Bigwaj, elfejn u sebgħa u sittin;

²⁰ulied Għadin, sitt mija u ħamsa u ħamsin;

²¹ulied Ater, jiġifieri ulied Ħeżekija, tmienja u disgħin;

²²ulied Ħasum, tliet mija u tmienja u għoxrin;

²³ulied Besaj, tliet mija u erbgħa u għoxrin;

²⁴ulied Ħarif, mija u tnax;

²⁵ulied Gibgħon kienu ħamsa u disgħin;

²⁶in-nies ta’ Betlehem u Netufa, mija u tmienja u tmenin;

²⁷in-nies ta’ Għanatot, mija u tmienja u għoxrin;

²⁸in-nies ta’ Bet-għażmawet, tnejn u erbgħin;

²⁹in-nies ta’ Kirjat-ġegħarim, Kefira, u Birot, seba’ mija u tlieta u erbgħin;

³⁰in-nies ta’ Rama u Geba, sitt mija u wieħed u għoxrin;

³¹in-nies ta’ Mikmas, mija u tnejn u għoxrin;

³²in-nies ta’ Betel u Għaj, mija u tlieta u għoxrin;

³³in-nies ta’ Nebu l-oħra, tnejn u ħamsin;

³⁴ulied Għelam l-ieħor, elf, mitejn u erbgħa u ħamsin;

³⁵ulied Ħarim, tliet mija u għoxrin;

³⁶in-nies ta’ Ġeriko, tliet mija u ħamsa u erbgħin;

³⁷in-nies ta’ Lod, Ħadid, u Onu, seba’ mija u wieħed u għoxrin;

³⁸u n-nies ta’ Sena, tlitt elef, disa’ mija u tletin.

³⁹Il-qassisin kienu: wlied Ġedajja, jiġifieri l-membri tal-familja ta’ Ġożwè, disa’ mija u tlieta u sebgħin;

⁴⁰ulied Immer, elf u tnejn u ħamsin;

⁴¹ulied Pasħur, elf, mitejn u sebgħa u erbgħin;

⁴²ulied Ħarim, elf u sbatax.

⁴³Il-Leviti kienu wlied Ġożwè, jiġifieri ulied Kadmijel, u wlied Ħodewa, b’kollox erbgħa u sebgħin.

⁴⁴Il-kantanti, ulied Asaf, kienu mija u tmienja u erbgħin.

⁴⁵Il-purtinara tat-tempju kienu wlied Sallum, ulied Ater, ulied Talmon, ulied Għakkub, ulied Ħatita, u wlied Sobaj, b’kollox mija u tmienja u tletin.

⁴⁶L-ilsiera tat-tempju kienu wlied Siħa, ulied Ħasufa, ulied Tabgħot,

⁴⁷ulied Keros, ulied Sigħa, ulied Padon,

⁴⁸ulied Lebana, ulied Ħagaba, ulied Salmaj,

⁴⁹ulied Ħanan, ulied Giddel, ulied Gaħar,

⁵⁰ulied Raja, ulied Resin, ulied Nekoda,

⁵¹ulied Gażżam, ulied Għużża, ulied Paseħa,

⁵²ulied Besaj, ulied Megħunin, ulied Nefisesin,

⁵³ulied Bakbuk, ulied Ħakufa, ulied Ħarħur,

⁵⁴ulied Baslit, ulied Meħida, ulied Ħarsa,

⁵⁵ulied Barkos, ulied Sisera, ulied Tamaħ,

⁵⁶ulied Nesijaħ, u wlied Ħatifa.

⁵⁷Ulied il-qaddejja ta’ Salamun kienu wlied Sotaj, ulied Soferet, ulied Perida,

⁵⁸ulied Ġagħla, ulied Darkon, ulied Giddel,

⁵⁹ulied Sefatija, ulied Ħattil, ulied Pokret-ħasbajim, u wlied Amon.

⁶⁰L-ilsiera tat-tempju u wlied il-qaddejja ta’ Salamun, kienu jgħoddu tliet mija u tnejn u disgħin b’kollox.

⁶¹Dawn imbagħad telgħu minn Tel-melaħ, Tel-ħarsa, Kerub, Addon, u Immer, u mingħajr ma setgħu juru liema kienet dar missirijiethom u liema kien in-nisel tagħhom jew jekk kinux minn Iżrael:

⁶²ulied Delaja, ulied Tobija, ulied Nekoda, b’kollox sitt mija u tnejn u erbgħin.

⁶³Minn fost il-qassisin kien hemm ulied Ħabaja, ulied Ħakkos, ulied Barżillaj, li kien iżżewweġ waħda mill-bniet ta’ Barżillaj, il-Gilgħadi, u beda jissejjaħ b’isimhom.

⁶⁴Dawn fittxew ir-reġistri tal-arblu tar-razza tagħhom, imma ma sabuhomx; u għalhekk tneħħew minn fost il-qassisin.

⁶⁵U l-gvernatur qalilhom biex ma jiklux mill-ikel ikkonsagrat sa ma jinsab qassis bl-Urim u t-Tummim.

⁶⁶Il-ġemgħa kollha f’daqqa kienet tgħodd tnejn u erbgħin elf, tliet mija u sittin.

⁶⁷Dan mingħajr il-qaddejja tagħhom irġiel u nisa, li kienu jgħoddu sebat elef, tliet mija u sebgħa u tletin, u mingħajr il-kantanti tagħhom, rġiel u nisa, li b’kollox kienu mitejn u ħamsa u erbgħin.

⁶⁸L-iġmla kienu erba’ mija u ħamsa u tletin, il-ħmir sitt elef, seba’ mija u għoxrin.

⁶⁹Uħud mill-kapijiet tal-familji taw offerti, biex ikun jista’ jsir ix-xogħol. Il-gvernatur ta lit-teżor elf darik tad-deheb, ħamsin bieqja, u ħames mija u tletin libsa tal-qassisin.

⁷⁰Xi wħud mill-kapijiet tal-familji taw lit-teżor, li kien qiegħed jiġbor għax-xogħol, għoxrin elf darik tad-deheb u elfejn u mitejn mina tal-fidda.

⁷¹Dak li ta l-bqija tal-poplu kien ilaħħaq għoxrin elf darik tad-deheb, elfejn mina tal-fidda, u sebgħa u sittin libsa tal-qassisin.

⁷²U l-qassisin, il-Leviti, l-għases tal-bibien tat-tempju, il-kantanti, xi wħud mill-poplu, u l-ilsiera tat-tempju, u Iżrael kollu, marru joqogħdu fl-ibliet tagħhom.