Read Maltese Bible with DC – IL-BIBBJA IL-KOTBA MQADDSA TOBIT 9 Bible Online

TOBIT 9 - Maltese Bible with DC – IL-BIBBJA IL-KOTBA MQADDSA bible

TOBIT 9

¹Imbagħad Tobija sejjaħ lil Rafel u qallu:

²“Ħija Għażarija, ħu miegħek erba’ qaddejja u żewġ iġmla, u itlaq lejn Rages, u mur għand Gabajel; agħtih il-kitba u iġbor il-flus, u ġibu miegħek għat-tieġ.

³Inti taf biżżejjed, li missieri qiegħed jgħodd il-ġranet, u jekk niddawwar imqar jum wieħed biss, isewwed qalbu bis-sħiħ.

⁴Taf x’ħalfilna Ragħwel, u jien ma nistax nikser il-ħalfa tiegħu.”

⁵Rafel telaq bl-erba’ qaddejja miegħu u b’żewġ iġmla lejn Rages tal-Medja, u għadda l-lejl għand Gabajel; tah il-kitba u għarrfu b’Tobija bin Tobit li kien iżżewweġ u li stiednu għat-tieġ. Imbagħad Gabajel qabad u għaddlu l-boroż issiġillati, u ġabruhom flimkien.

⁶Bakkru flimkien u ġew għat-tieġ. Meta daħlu għand Ragħwel sabu lil Tobija fuq il-mejda, u dan qam bil-ġirja u mar jgħannqu; u Gabajel beda jbierku u jgħidlu bid-dmugħ f’għajnejh: “Żagħżugħ sewwa u tajjeb! Bin raġel sewwa u tajjeb, bniedem ġust u ta’ karità, jixħet il-Mulej il-barka tas-sema fuqek, fuq martek, fuq missierek u fuq omm l-għarusa tiegħek. Imbierek Alla, li rajt il-kuġin tiegħi Tobija, jixbhu daqshekk.”