Read Maltese Bible with DC – IL-BIBBJA IL-KOTBA MQADDSA SALMI 101 Bible Online

SALMI 101 - Maltese Bible with DC – IL-BIBBJA IL-KOTBA MQADDSA bible

SALMI 101

¹Salm ta’ David. Ngħanni u nxandar it-tjieba u l-ġustizzja; lilek, Mulej, irrid ngħanni.

²Irrid nimxi bl-għaqal fit-triq il-perfetta; meta sa tiġi għandi[184]? Inġib ruħi b’qalb safja ġewwa dari;

³ebda ħaġa ħażina ma nżomm quddiem għajnejja. Nobgħod ’il min jagħmel il-ħażen, u ma norbotx qalbi miegħu.

⁴Qalb imħassra nżommha ’l bogħod minni; il-ħażin ma rridx naf bih.

⁵Min iqassas bil-moħbi fuq għajru, lil dan jien neqirdu. Min għajnejh merfugħa u qalbu mkabbra, ma nistax inġerrgħu.

⁶Inżomm għajnejja fuq it-twajbin tal-art, biex dawn joqogħdu miegħi. Min jimxi fit-triq il-perfetta, dan hu li jaqdini.

⁷Ma jgħammarx f’dari min jimxi bil-qerq; ma jżommx quddiemi min jitkellem bil-gideb.

⁸Għodwa wara l-oħra[185] neqred il-ħżiena kollha tal-art, biex inwarrab mill-belt tal-Mulej ’il kull min jagħmel il-ħażen.