Read Maltese Bible with DC – IL-BIBBJA IL-KOTBA MQADDSA SALMI 11 Bible Online

SALMI 11 - Maltese Bible with DC – IL-BIBBJA IL-KOTBA MQADDSA bible

SALMI 11

¹Għall-mexxej tal-kor. Ta’ David. Fil-Mulej hu l-kenn tiegħi; mela kif tgħiduli: “Aħrab bħal għasfur lejn l-għolja;

²għax, ara, il-midinbin qed jiġbdu l-qaws, u jqabbdu mal-watar il-vleġġa, biex jolqtu fid-dlam lin-nies ta’ qalb safja.

³Jekk is-sisien jinqalbu[15], il-bniedem ġust x’jista’ jagħmel?”

⁴Il-Mulej hu fit-tempju mqaddes tiegħu, il-Mulej fis-sema għandu t-tron tiegħu; għajnejh fuq il-bnedmin jitfa’, bi xfar għajnejh jiflihom.

⁵Jgħarbel il-Mulej il-ġust u l-ħażin; hu jobgħod ’il min iħobb id-dnewwa.

⁶Xita ta’ ġamar u kubrit jitfa’ fuq il-ħżiena; riħ jikwi jkun is-sehem li ħaqqhom.

⁷Għax ġust hu l-Mulej, u jħobb il-ġustizzja; wiċċu jdawwar lejn min hu sewwa.