Read Maltese Bible with DC – IL-BIBBJA IL-KOTBA MQADDSA SALMI 111 Bible Online

SALMI 111 - Maltese Bible with DC – IL-BIBBJA IL-KOTBA MQADDSA bible

SALMI 111

¹Hallelujah! Irrodd ħajr lill-Mulej b’qalbi kollha, fil-laqgħa tat-tajbin flimkien miġbura.

²Kbar huma l-għemejjel tal-Mulej; ifittxuhom dawk kollha li jitgħaxxqu bihom.

³Kollu ġmiel u kobor għemil il-Mulej; għal dejjem tibqa’ l-ġustizzja tiegħu[208].

⁴Waqqaf tifkira bl-għeġubijiet tiegħu; twajjeb u ħanin il-Mulej.

⁵Hu jagħti l-għajxien lil min jibża’ minnu, jiftakar għal dejjem fil-patt tiegħu.

⁶Wera lill-poplu tiegħu l-qawwa ta’ għemilu, meta qassam lilhom art il-ġnus.

⁷Is-sewwa u l-ħaqq għemil idejh; ta’ min joqgħod fuqhom il-preċetti tiegħu,

⁸imwettqa għal dejjem ta’ dejjem, magħmula bis-sewwa u bid-dritt.

⁹Bagħat jifdi lill-poplu tiegħu, waqqaf għal dejjem il-patt tiegħu. Qaddis u tal-biża’ hu ismu!

¹⁰Il-bidu tal-għerf hu l-biża’ tal-Mulej: tassew bil-għaqal kull min jimxi bih, għal dejjem jibqa’ t-tifħir tiegħu!