Read Maltese Bible with DC – IL-BIBBJA IL-KOTBA MQADDSA SALMI 114 Bible Online

SALMI 114 - Maltese Bible with DC – IL-BIBBJA IL-KOTBA MQADDSA bible

SALMI 114

¹Meta ħareġ Iżrael mill-Eġittu, Ġakobb minn poplu ta’ lsien barrani,

²Ġuda sar is-santwarju tiegħu, Iżrael is-saltna tiegħu.

³Il-baħar rah u ħarab, il-Ġordan raġa’ lura.

⁴Qabżu bħal kbiex il-muntanji[213], u bħal ħrief il-għoljiet.

⁵Xi ġralek, baħar, biex taħrab? Xi ġralek, Ġordan, biex terġa’ lura?

⁶Xi ġralkom, muntanji, biex taqbżu bħal kbiex, u intom, għoljiet, biex taqbżu bħal ħrief?

⁷Triegħed, art, quddiem is-Sid, quddiem Alla ta’ Ġakobb,

⁸li jbiddel il-blat f’għadira, iż-żonqor f’għajn ta’ ilma.