Read Maltese Bible with DC – IL-BIBBJA IL-KOTBA MQADDSA SALMI 115 Bible Online

SALMI 115 - Maltese Bible with DC – IL-BIBBJA IL-KOTBA MQADDSA bible

SALMI 115

¹Mhux lilna, Mulej, mhux lilna, iżda lil ismek sebbaħ, għat-tjieba u l-fedeltà tiegħek.

²Għaliex għandhom jgħidu l-ġnus: “Fejn hu Alla tagħhom?”

³Fis-smewwiet hu Alla tagħna; hu jagħmel kulma jogħġbu.

⁴Fidda u deheb huma l-allat tagħhom, xogħol ta’ idejn il-bniedem.

⁵Għandhom il-fomm, u ma jitkellmux; għandhom l-għajnejn, u ma jarawx;

⁶għandhom il-widnejn, u ma jisimgħux; għandhom l-imnieħer, u ma jxommux;

⁷għandhom l-idejn, u ma jmissux; għandhom ir-riġlejn, u ma jimxux; ebda leħen ma joħroġ minn fommhom.

⁸Bħalhom ikunu dawk li jagħmluhom, u dawk kollha li jittamaw fihom.

⁹Iżrael[214] ittama fil-Mulej; hu l-għajnuna u t-tarka tagħhom.

¹⁰Dar Aron ittamaw fil-Mulej; hu l-għajnuna u t-tarka tagħhom.

¹¹Dawk li jibżgħu mill-Mulej ittamaw fil-Mulej; hu l-għajnuna u t-tarka tagħhom.

¹²Il-Mulej jiftakar fina u jberikna; ibierek ’il dar Iżrael, ibierek ’il dar Aron.

¹³Ibierek ’il dawk li jibżgħu mill-Mulej, kemm iż-żgħar u kemm il-kbar.

¹⁴Ikattarkom ħafna l-Mulej, lilkom u ’l uliedkom.

¹⁵Imberkin intom mill-Mulej, li għamel is-sema u l-art.

¹⁶Is-smewwiet huma s-smewwiet tal-Mulej; imma l-art hu taha lill-bnedmin.

¹⁷Mhumiex il-mejtin[215] li jfaħħru l-Mulej, anqas ħadd minn dawk li jmorru fis-skiet;

¹⁸imma aħna li nbierku l-Mulej, minn issa u għal dejjem. Hallelujah!