Read Maltese Bible with DC – IL-BIBBJA IL-KOTBA MQADDSA SALMI 124 Bible Online

SALMI 124 - Maltese Bible with DC – IL-BIBBJA IL-KOTBA MQADDSA bible

SALMI 124

¹Għanja tat-Telgħat. Ta’ David. Li ma kienx il-Mulej magħna - ħa jgħid hekk Iżrael -

²li ma kienx il-Mulej magħna, meta qamu għalina n-nies,

³ħajjin kienu jibilgħuna, meta nxtegħlu bl-għadab għalina.

⁴L-ilma kien jgħerriqna, il-wied kien jgħaddi minn fuqna;

⁵minn fuqna kien jgħaddi mewġ tal-ilma qawwi.

⁶Imbierek il-Mulej, li ma telaqniex priża għal snienhom.

⁷Ħajjitna bħal għasfur ħelset mix-xbiek tan-nassaba. Ix-xibka tqattgħet, u aħna ħrabna.

⁸L-għajnuna tagħna f’isem il-Mulej, li għamel is-sema u l-art.