Read Maltese Bible with DC – IL-BIBBJA IL-KOTBA MQADDSA SALMI 129 Bible Online

SALMI 129 - Maltese Bible with DC – IL-BIBBJA IL-KOTBA MQADDSA bible

SALMI 129

¹Għanja tat-Telgħat. Ħabbtuni ħafna sa minn żgħożiti - ħa jgħid hekk Iżrael -

²ħabbtuni ħafna sa minn żgħożiti, imma ma rnexxilhomx jegħlbuni.

³Bil-moħriet għaddew minn fuq dahri[235], raddiet twal bis-swat għamluli.

⁴Imma ġust hu l-Mulej, u qatta’ minn fuqi l-irbit tal-ħżiena.

⁵Ħa jinfixlu u jmorru lura dawk kollha li jobogħdu ’l Sijon.

⁶Ikunu bħall-ħaxix tal-bjut, li jinxef qabel ma jikber,

⁷li bih il-ħassad ma jimliex idu, lanqas ħdanu min jorbot il-qatet.

⁸U ma jgħidux dawk li jkunu għaddejja: “Il-barka ta’ Alla fuqkom[236]! Inberkukom f’isem il-Mulej!”