Read Maltese Bible with DC – IL-BIBBJA IL-KOTBA MQADDSA SALMI 143 Bible Online

SALMI 143 - Maltese Bible with DC – IL-BIBBJA IL-KOTBA MQADDSA bible

SALMI 143

¹Salm ta’ David. Mulej, isma’ t-talba tiegħi, agħtini widen, nitolbok bil-ħniena; weġibni minħabba l-fedeltà u l-ġustizzja tiegħek.

²Tressaqx għall-ħaqq lill-qaddej tiegħek, għax ebda bniedem ma hu ġust quddiemek.

³Għax l-għadu għamel għalija, mal-art tefagħni taħt riġlejh; fid-dlam xeħetni ngħammar, bħal min imut għal dejjem,

⁴ruħi tinfena minn ġewwa, qalbi titniehed ġewwa fija.

⁵Niftakar fiż-żmien l-imgħoddi, naħseb f’kulma int għamilt, għemil idejk dejjem fi ħsiebi.

⁶Lejk immidd idejja, ruħi bħal art bil-għatx tixtieqek.

⁷Fittex weġibni, Mulej! Ruħi tinsab bla saħħa. La taħbix wiċċek minni, li ma nkunx bħal min nieżel għall-qabar.

⁸Fakkarni mas-sebħ fi tjubitek, għax fik jien nittama. Għarrafni t-triq li minnha għandi ngħaddi, għax lejk jien nerfa’ ruħi.

⁹Eħlisni mill-għedewwa, Mulej, għax inti l-kenn tiegħi.

¹⁰Għallimni nagħmel ir-rieda tiegħek, għax int Alla tiegħi. L-ispirtu tajjeb tiegħek imexxini fuq art watja.

¹¹F’ġieħ ismek, Mulej, agħtini l-ħajja, oħroġni mill-għawġ minħabba l-ġustizzja tiegħek.

¹²Fit-tjieba tiegħek xejjen l-għedewwa tiegħi, eqred ’il dawk kollha li huma kontrija; għax jiena l-qaddej tiegħek.