Read Maltese Bible with DC – IL-BIBBJA IL-KOTBA MQADDSA SALMI 24 Bible Online

SALMI 24 - Maltese Bible with DC – IL-BIBBJA IL-KOTBA MQADDSA bible

SALMI 24

¹Salm ta’ David. Tal-Mulej hi l-art u kulma fiha, id-dinja u kulma jgħix fiha.

²Għax hu fuq l-ibħra waqqafha[36], u fuq ix-xmajjar fis-sod qegħedha.

³Min jista’ jitla’ fuq l-għolja tal-Mulej, min joqgħod fil-post imqaddes tiegħu?

⁴Min għandu jdejh indaf u qalbu safja, min ma jagħtix ruħu għall-frugħa, u anqas ma jaħlef bil-qerq.

⁵Dan ikollu barka mingħand il-Mulej, u l-ħlas li ħaqqu minn Alla, is-Salvatur tiegħu.

⁶Dan hu n-nisel ta’ dawk li jfittxuh; li jfittxu ’l wiċċek, Alla ta’ Ġakobb.

⁷Intrefgħu, bibien, infetħu, intom bibien ta’ dejjem[37], ħalli jidħol is-Sultan tal-glorja!

⁸Min hu dan is-Sultan tal-glorja? Hu l-Mulej setgħan u qawwi, il-Mulej qawwi fit-taqbida.

⁹Intrefgħu, bibien, infetħu, intom bibien ta’ dejjem, ħalli jidħol is-Sultan tal-glorja!

¹⁰Min hu dan is-Sultan tal-glorja? Hu l-Mulej tal-eżerċti: dan hu s-Sultan tal-glorja!