Read Maltese Bible with DC – IL-BIBBJA IL-KOTBA MQADDSA SALMI 3 Bible Online

SALMI 3 - Maltese Bible with DC – IL-BIBBJA IL-KOTBA MQADDSA bible

SALMI 3

¹Salm ta’ David, meta ħarab minn quddiem ibnu Absalom.

²Kemm kotru, Mulej, l-għedewwa tiegħi! Ħafna huma dawk li qamu għalija;

³ħafna huma dawk li jgħidu fuqi:[3] “M’hemmx salvazzjoni għalih f’Alla!”

⁴Imm’int, Mulej, tarka madwari, inti l-ġieħ tiegħi, int terfagħli rasi.

⁵Jien b’leħen għoli l-Mulej insejjaħ; hu jweġibni mill-għolja mqaddsa tiegħu.

⁶Immur nimtedd u norqod, u nqum, għax il-Mulej iżommni.

⁷Ma nibżax minn poplu sħiħ li jinġema’ madwari kontrija.

⁸Qum, Mulej, salvani, Alla tiegħi! Int tajt bil-ħarta lill-għedewwa tiegħi kollha, lill-ħżiena kissirtilhom snienhom.

⁹Tiegħek, Mulej, ir-rebħa; il-barka tiegħek fuq il-poplu tiegħek.