Read Maltese Bible with DC – IL-BIBBJA IL-KOTBA MQADDSA SALMI 30 Bible Online

SALMI 30 - Maltese Bible with DC – IL-BIBBJA IL-KOTBA MQADDSA bible

SALMI 30

¹Salm. Innu għad-Dedikazzjoni tat-Tempju. Ta’ David.

²Ngħollik, Mulej, għax erfajtni, u ma ferraħtx l-għedewwa tiegħi bija.

³Mulej, Alla tiegħi, jien sejjaħtlek; sejjaħtlek, u int fejjaqtni.

⁴Mulej, tellajtli mill-mewt ’il ruħi, ħlistni minn fost dawk li jinżlu fil-ħofra.

⁵Għannu lill-Mulej, ħbieb tiegħu, faħħru l-isem imqaddes tiegħu.

⁶Għax ftit iddum is-saħna tiegħu, iżda għomor sħiħ l-imħabba tiegħu. Filgħaxija jidħol il-biki, filgħodu jidwi l-għajjat ta’ ferħ.

⁷Mela jien għedt fl-aħjar tiegħi: “Żgur li qatt ma niċċaqlaq!”

⁸Mulej, bil-pjaċir tiegħek fuq muntanja qawwija qegħedtni; imbagħad ħbejt wiċċek minni, u jien tħawwadt għalkollox.

⁹Lilek sejjaħt, Mulej; lil Sidi tlabt il-ħniena.

¹⁰X’tieħu int jekk inkun mejjet, jekk jiena ninżel fil-qabar? Se jfaħħrek forsi t-trab? Se jxandar il-fedeltà tiegħek?

¹¹Ismagħni, Mulej, u ħenn għalija; kun, Mulej, l-għajnuna tiegħi.

¹²Int bdilt fi żfin l-għali tiegħi, neżżajtni min-niket[46], bil-ferħ ħażżimtni.

¹³Għalhekk ruħi tgħannilek bla heda; Mulej, Alla tiegħi, infaħħrek għal dejjem!