Read Maltese Bible with DC – IL-BIBBJA IL-KOTBA MQADDSA SALMI 4 Bible Online

SALMI 4 - Maltese Bible with DC – IL-BIBBJA IL-KOTBA MQADDSA bible

SALMI 4

¹Għall-mexxej tal-kor. Fuq l-istrumenti tal-korda. Salm ta’ David.

²Weġibni, meta nsejjaħlek, Alla tal-ġustizzja tiegħi; oħroġni fil-wisa’ meta nkun imdejjaq, ħenn għalija u isma’ talbi.

³Intom, bnedmin, kemm se ddumu twebbsu qalbkom? Għax tħobbu l-frugħa u tfittxu l-gideb?

⁴Kunu afu li l-Mulej wera tjieba kbira miegħi; jismagħni l-Mulej meta nsejjaħlu.

⁵Triegħdu bil-biża’[4], u la tidinbux; aħsbu f’qalbkom billejl, u isktu!

⁶Offru s-sagrifiċċji li għandkom tagħmlu, u ittamaw fil-Mulej.

⁷Ħafna jgħidu: “Min jurina r-riżq?” Ixħet fuqna, Mulej, id-dawl ta’ wiċċek.

⁸Int nissilt l-hena f’qalbi, aktar mill-kotra tal-qamħ u l-inbid tagħhom.

⁹Nimtedd u norqod minnufih fis-sliem, għax int waħdek, Mulej, fis-sod tqegħedni.