Read Maltese Bible with DC – IL-BIBBJA IL-KOTBA MQADDSA SALMI 58 Bible Online

SALMI 58 - Maltese Bible with DC – IL-BIBBJA IL-KOTBA MQADDSA bible

SALMI 58

¹Għall-mexxej tal-kor. Fuq “La teqridx”. Ta’ David. Miktam.

²Intom, kbarat[85], qegħdin tagħmlu ħaqq sewwa? Qegħdin tiġġudikaw sewwa l-bnedmin?

³Le, anzi f’qalbkom il-ħażin taħsbu, fuq l-art dnewwa jxerrdu jdejkom.

⁴Minn ġuf ommhom il-ħżiena qabdu triq ħażina, minn twelidhom żbaljaw dawk li jgħidu l-gideb.

⁵Għandhom semm bħal dak tas-serp, bħal tal-lifgħa truxa, li ssodd widnejha[86],

⁶biex ma tismax is-sejħa tas-saħħar, imqar jekk isaħħar b’sengħa kbira.

⁷O Alla, farrkilhom snienhom f’ħalqhom, kisser dras il-frieħ tal-iljun, Mulej.

⁸Ħa jgħibu bħal ilma li jintrema, bħal ħaxix jintrifsu u jinxfu.

⁹Ikunu bħal bebbuxu li jinxef u jintemm, bħal tarbija barra minn żmienha li ma tarax ix-xemx.

¹⁰Qabel ma tinħass is-sħana tax-xewk jaqbad, ħajjin ikaxkarhom bis-saħna ta’ għadbu.

¹¹Jifraħ il-ġust xħin jara l-ħaqq iseħħ, saqajh jaħsel fid-demm tal-ħżiena[87].

¹²U kulħadd jgħid: “Tassew hemm ħlas tajjeb għall-ġust; tassew li hemm Alla jagħmel ħaqq fuq l-art.”